[مانع الحربي]

قصيدة موجهه لأبناء محمد الفاضل العجمي



ما حلا المجهام يـا يـاسر قبل نــور الصباح***** أشهد انه للقلوب أعلاج والمخرج ملي
لشرقت شمس النهـار بنورها والشوف باح***** تنجلي عنك الهموم اللي توارد وتغلي
أركب اللي سرعته أسبق من أسهوم الرماح***** موترن من هيبته يا صاحبي ماله حلي
إن عرض في سرعته ما كنه إلا البرق لاح***** يستثير أشعور قلبن بالولع ما هو خلي
جيب لكـزس والعلامه كنها سيـد المـلاح***** ما شريته لجل يـا قف قـدم بوابة هلي
الديــار بعـيـد والوجهه عـلى دار الصباح***** وأنت من نجـد العذيه ديرتن ما تجهلي
يستريح اللي يبى المجلاس ولا ما ستراح***** خبره بان المصاعب بالهقاوي تنجلي
هوقتي فــوق السحاب ولا تغيرها الرياح***** من فيافي نجد عيني في جنوب العبدلي
سجها يـا صاحبي صدري تزايد بنشراح***** والوعد مجلس شيوخن لنشاما مدهلي
الرجال اللي فعايلهم قبل صـنع السـلاح***** يشهد التاريخ فيها بالزمـان الأولي
لا وصلت عبيد سلم لي على عبيد وفلاح***** السلام اللي مـن الأعماق يمه ياصلي
أتقلد خــوة العجمان يــا يــاســر وشــاح***** لابتن دايـم غلاها عند ربعي معتلي
خــوة الغالين تبقــى كنها عــدً قــراح***** ما تغير لو زمنها قــام يصلاها صلي
قالها اللـي لابته فرسانها ســمً ذحــاح***** لابته حــرب الحـرايب يا رفيع المنزلي
واسلم اسلم يا رفيقي من أصدوف المراح***** والرساله بسم مانع في يدينك ترسلي


الشاعر مانع عوض البدراني الحربي 2012