[محمد بن غريب]

مسائكم عطر معطر بعطورات عبدالصمد القرشي

أدعها بين يديكم أمل ان تشفع لغيابي


يقوووووول

الله على اللي الا افترت مراوحها = تشبه الحر(ن) تنهظ وارخو اسبوقه
مطوره للسفر كل(ن) يرشحها = الجامبو مع خطوط الجو ماثوقه
والتقنيه عاليه ماني بمادحها = ألا أنها تعجب الكابتن على ذوقه
كأن حسها فالمدرج يوم نزحها = هدير هرش(ن) وزبده يظرب أشدوقه
وأمن السلامه مع الملاح يشرحها= على الأشارات بالنشرات مرفوقه
والكابتن أكد على الرحله ووضحها = لديره اللي تهز القلب وتشوقه
يوم أعلن أسمه أشماغي قمت أطوحها= وقمت أطلب الله عسى الله يبطي بعوقه
من صلب جدي ونار العز يقدحها= والبوصله في مخيخ المخ مدقوقه
وأعلن بالأقلاع والشاشه تصفحها= ثم تلها كنها من الأرض منتوقه
تلحق عجلاتها لا قام يلفحها= صلف الهوا والمراوح قامت تسوقه
يوم استدارت مع اللجه ملامحها= شيهانة(ن) زوعت من راس شاهوقه
ثم قام ينفث لها والغيم ناطحها= وقامت تمثنا السحاب وترتفع فوقه
وانا على متنها والنفس ريحها = حسن الضيافه لو ان الكبد محروقه
على هنوف(ن) غلاي العام ذابحها= واليوم قد هي تتل القلب بعروقه
وطعونها في الحشى والله يسامحها= واقول بعدين والطعنات ملحوقه
وأحساسها والمشاعر مابغي اجرحها= وأدرى على سمعت العاشق ومعشوقه
تبغا الصراحه وانا والله مصارحها= بين المحاني سيوف الحب مفتوقه
لعيون بحريه في اسيف طارحها= راعي الولع تتعبه وتجث معلوقه
من راسها للقدم والله مالحها= حسن الطبيعه مع اصل الزين وعموقه
لاسولفت ودي اسمعها وانا اشبحها= واموت واحيا على شوفه ومنطوقه
مستورة(ن) بالعقل والزين فاضحها= وأستغفر الله من أصل الحور مخلوقه
وش عاد لاجيت اودعها واصافحها= لاحد(ن) يلوم المولع لا أنتثر موقه
والرحله موفقه واللي املحها= كل(ن) يغني على كيفه بطاروقه

محمد بن غريب الفهادي

15/6/2009
مطار الكويت