الغربة الي بروحي جت تذكرني =بغيآب ذاك الحبيب الي هجر بيته
شوق المداهيل لعناقه مكدرني =والمشكله لي سنه لاجا و لاجيته
حنيت له والظمآ قاعه يصدرني= والغيم عاف إمطري والهم خاويته
سقت امنياتي لروحه كود يسهرني =ويعلم الليل ..يدفي برد مغليته
كود الحنايا بطفل النبض يشعرني= وتروم لوصال صوت غاب مااوحيته
ياعازف الحزن هاك الناي بعثرني= وإعزف بروحي نغمك وردد اغنيته
كانه سمع غنوتك تكفى تكررني =وقله ترى طفلتك من عآم هي ميته
وإعطيه بعض البيوت الي تسطرني =وياكثر بيتٍ زرعت اسمه بقافيته
عله يحس بغيابه كيف يجبرني =على العتاب وقصيدن فيه سويته
وإن كان عاف الغلا خله يحررني = ويفك قيدي عسآي أموت ماجيته
لـ ناصر بن حسين