يا كبرها لا جات من أقرب قريب وفي الصميم=من شخص تتنفس هواه ولليالي ذاخره
اللي حياتك كانت بقربه نعيم ٍ في نعيم=ومن غلطتن منـّه حسبها منك جاك من آخره
وش حيلتك لا كانت الدعوى قهر وقت الصريم=وتحس دودة الأرض جالت في عظامك ناخره
يضيق صدرك والقلوب تذوب وضلوعك هشيم=حتى النسم تبغاه وما ياتيك ما الله صاخره
كنك من أهل البحر وسط الموج والرؤيه عديم=والباخره قفت وعينك تلتفت للباخره
الحظ عاندني قهر يا حظ يا حظي السقيم=ما كنك إلاّ عبد سو ٍ فتحت مناخره
تزهم تعزوا تحتزم ماينفعك سلم ٍ قديم=وماينفعك طيب ٍ وهبته للوجيه الساخره
ماهو إباقي غير قلبك إن وهبته للسديم=ابيحترق طيبه فخر وتفوح به مباخره
ويظل ذكره واحترامه دامني حي ٍ مقيم=وإن مات يبقى للبشر أكبر علامه فاخره
وإن كان بدمح زلتك يانور في وقت العتيم=شف عادها بقلبي كبيره والمعاني زاخره
الأوله و الآخره و الله وبا لله العظيم=الذخر يبقى لي ذخر في الأوله و الآخره