خمسين عطف و خمسين ألف عماني.. ما حمل اللي يسود وجه من جابه... قصيدة المهرب القحطاني..
يا راكب اللي جديد الصنع ياباني=ميزات كامل خليجي مالك إلا به
الشاص الألفين و السواق (قحطاني)=و الحمل بأذن الله إنه يوصل أصحابه
خمسين عطف و خمسين ألف عمّاني=ما حمّل اللي يسود وجه من جابه
حوّل مع الجوف توّه موتر ثاني=يمسح ولا شاف طقم العسكر أغوا به
يهرب لهم شرق صوب بلاد (سنحاني)=و راعي الحمولة سرا تثليث و هضابه
يبغا يعشي عياله طير حوراني=يوم الردي طاب نومه و الخطر هابه
على شعاع القمر مسرا كحيلاني=النور مفصول و الرمي على بابه
قال لخويه ترا إن كان الله أحياني=ما أنمسك لو على ذا الخط دبابه
لعيون من عودها ناعم و رياني=نقضي غرضنا و كل ياخذ إحسابه
و إن صار شي من الله فالعمر فاني=في ساعة كاتبن الله في كتابه
هذا و أنا من رجال تمن الجاني=اللي وزاهم بدور الصلح طلابه
أيام عاد العرب ذربين الأيماني=كلن يعيي على حقه بمشعابه
الأقراب أقراب و العدوان عدواني=تفرح بغرامك الطيب تذرا به
يا ناعس الطرف يا مدعوج الأعياني=حب الغنادير بالواو أبتلينا به
يا ناعس الطرف فيك الزين فتاني=لا شافك اللي يحسب ضيع حسابه
و دمتم بود ..
التعديل الأخير تم بواسطة : مسعطر بتاريخ 11-07-2007 الساعة 07:44 PM.
|