تمرنا لحظات حزن .. قد تكون من اسباب معلومه وقد تكون اسبابها مجهوله
ولكن فـ تصوري تعتبر اقسى انواع الحزن هو الناتج من الفراق
الا ان الفراق انواع .. واشدها فتكا ً بالانسان هو فراق من لا نرجو لقائه بعد ذلك
الا وهو فراق الحي للميت ..!
واعتبر اقسى انواع الفقد منذ ان عرفت الدنيا هو " فراق جدي "
قصيده تعبر عن دواخلي في تلك اللحظه .. وكأنها مرثيتي في جدي
/
\
/
رحمك اللًه يااللي جابك الطاري وجيت امجيـب = معاي العبره اللـي كنّهـا مـن ذكـرك اوداعـه
يسيّلهـا مقامـك يـا مقـامٍ سيرتـه مـا هيـب = تعرّضهـا الهبـوب رياحهـا وتقـاد منصـاعـه
فقدك اللي عرفك ومن سمع بك وافتقدك الشيـب = بعد ما زدت من هيبة وقـارك مجمـل اوضاعـه
معك تصغر كبار اللي نصاك ويكبـر الترحيـب = فدى رجليك من كبـر المناصـب غيّـر اطباعـه
تبسّامك .! خلاص .. وكلمتك ما تقبـل التكذيـب = لهـا بيـن الرجـال شهـود قرّايـه وسمّـاعـه
واذا ان المرجله عند الرياجيل اتحضـر وتغيـب = ما غابت عن حياتـك كلبوهـا لـو ربـع ساعـه
جعلك الله فرج للـي همومـه مـا لهـا تجنيـب = وعلى عينٍ قبـل لا تاصلـك ضجـره ومرتاعـه
ولا يلحق فعولك مع جميع النـاس شـك وريـب = يا صبحٍ كل صبـح يحـن لـه ويـدوّر شعاعـه
عسى قبرك عليك اوسع من حدود الفضا والغيـب = وعسى نوره مثل شمس الضحى فعلـوّه وقاعـه
وعسى الله يبعدك عن نار الاخرى بعدك من العيب = ويقرّبك لنعيمـه قربـك مـن الطيـب والطاعـه
ويغفر لك ذنوبك كلهـا فـي جهـر والا غيـب = ومن كثر الفعـول الخيّـره تلقـى لـك شفاعـه
وانا لا من دعاني ذكرك الطيّـب بأجيـه مجيـب = معاي العبره اللـي كنهـا مـن ذكـرك اوداعـه
[ عسى قبرك عليك أوسع من حدود الفضا والغيب ] ،
[ عسى قبرك عليك أوسع من حدود الفضا والغيب ] ،
[ عسى قبرك عليك أوسع من حدود الفضا والغيب ] ،
