[بدرالشمري]

السلام عليكم اخواني الاعزاء
اول مشاركه لي معكم هنا في هذا القسم اللذي بكل تأكيد
له نصيب الاسد من مشاركاتي
وشرفني احد القائمين على هذا المنتدى بدعوتي لكي انضم لكم وانشالله
استفيد وافيد خلال مقامي هنا

قصيدة من قصائدي اتمنى ان تحوز على اعجابكم

كان الشعر يشره اجيله واراضيه=واحب خشمه واسمعـه واترضـاه
ان كان مايقوى على حطت ايديه=فعلي وقولـي كـل قرمـن تمنـاه
يامانع الخالد انا كل ما ابديه=كن القوافي فـي خفـى الكبـد ماطـاه
كنه عقيد المقدم الـي يمشيه=يامـر علـي ويخجلـن طيـب مجنـاه
ماقلت انا بيتن علـى بيـت يتليـه=الا افـن المرجلـه فـي محيـاه
ماقول انا شعري لجل هذي وذيه=وماني من الي لا قصد فك مخبـاه
اشوم في شعري على بكرة ابيه=في منزلن عالـي علومـه وطريـاه
من راسي عضوده وصملة مجانيه=من قلبي عقوده وشضفت شضاياه
الا حبيبن مسكنـه داخـل هنيه=ماشـب بلخاطـر وشبـت سوايـاه
هذاك في شعري علومن توديه=بقصى خفوقي مـن مجرتـه وادنـاه
عن حب غيره ناهي القلب مثنيه=حلفت مالي من هوى البيض شرواه
حب الشرف يمه اوجه مراميه=ويالعنبـو حضـن تقصـر ولا جـاه
ياناس من بد المخاليق مغليه=يامـر علـى روحـي علـى ماتمنـاه
ان صار بلخاطر عنى القلب يطويه=وان صار في لجة خفوقي تقفـاه
يطري علي ويطري الوجد واسقيه=من باقي طيوفـه قصايـد مغنـاه
من كل معنى لي قوافي تباريه=ان غـاب ماتسـري تبيـه وتحـراه
كـن المشاعـر حالفـه ماتخليه=ليـن المنيـة تاخـذ العمـر بقفـاه
ابـوه قرمـن قايـد القـوم يتليه=الطيـب ماينكـر يمينـه ويسـراه
والي يعرف القول والقـول يكفيـه=لازم يعـذر المعتلـي لا تمنـاه
والطيب مايستر وكودن نوريه=للي يبي في مجلـس الطيـب مركـاه
يامانع الخالد وش فيـه نخفيه=هـذا انـا وجـدي تواسـت مزايـاه
الوجد في شعري على الطيب ابديه=والفعل من قولي اكمـل سوايـاه
الطيريجفل لا ارتخى سبق مرخيه=والنـاس تكفـل للمـردد عطايـاه
والقول لامنه بغى منك تهديه=ترى الملامه هقوته منك مـا ارضـاه
هذا قصيدي من عنى الوقت مشقيه=من سلم جداني انا امـره وانهـاه