[سمو الرووح]

حداني على البيت المطرّف غلا راعيه



أنا باديٍ في عالي الرجم من واطيـه = أحب البيان وذبّـة الرجـم غربالـي
وأنا البارحه ليلٍ عليّ ساريٍ ساريـه = بغيـت المنـام ولـذّتـه ماتهيّـالـي
على صاحبٍ لازيد جاني وأنا ماجيـه = حداني زماني منّ مجيّـه ولا جالـي
وياقلب لاتجزع من الليّ جرى جاريه = وما قـدّر الله قابلينـه مـن الوالـي
حداني على البيت المطرّف غلا راعيه = ولايمتكّن جنّـاب بيتـه وهـو غالـي
غشاه الحلا والنور يوم الغـلا مغليـه = يعيش النظـر شوفـه بليّـا تعدّالـي
تحطّم عليه الحال ماينعضي عاضيـه = تحطّام عـودٍ مبطـيٍ فيـه المحالـي
وأنا سيل قلبي صوبهم منتحي واديـه = ولولا محادير السهل كـان ماسالـي


قصيده لشاعر سلطان بن علي الهاجري