اولا// بعد دعوه كريمه من اخي فيصل العجمي للمشاركه معه هنا بموضوعه الفريد والرائع والمتميز بصدق لبيت دعوته ومن منطلق لايرد الكريم الا اللئيم وكذلك اشكره على كلمات الاطراء والتي زادتني فخرا واعتبرها وسام اعتز به ... ثانيا// مشاركتي هنا كانت بسبب سببين لاثالث لهما وهما:: *يشرفني ان اتواجد برفقه اخي فيصل في هذا الموضوع وشهادتي مجروحه جدا بهذا الموضوع فهو جميل ورائع كروعه صاحبه... *ولان الموضوع حاز على اعجابي واستمتعت به وبه الكثير من الدروس المستفاده والقصص الواقعيه والتي هي بحد ذاتها تعتبر عبره ويستخلص منها القيم والاشياء الثمينه والتي هي هدف لهذا الموضوع... ~*¤DC¤*~ الفاصله الثالثه~*¤DC¤*~ كثيرا ارى شبابنا وخاصه من هم في سن المراهقه يقضون اوقات فراغهم في اشياء مالها داعي وهي عباره عن تضييع وقت وهنا اشير الى الى بعضهم وليس الكل ... انا عن نفسي ساذكر حاله لبعض الشباب في استثمار وقتهم الفريد والثمين ويعتبر هذا افضل استثمار واستغلال لوقت الفراغ بنظرتهم هم وليس بنظرتي انا... لاحظنا انتشار ظاهره الاستعراض بالسياره في محافظه الاحمدي خاصه وبكثره جدا وخاصه في منطقه الظهر وجابر العلي ... وبما اني من سكان وقاطنين منطقه جابر العلي بذكر مارايته من مواقف امامي.... الولد راكب سيارته وشغال على الدوار وقام يحرق سيارته تقحيص واستعراض واللي جمبه مطلع ايده ورافع علامه النصر وانا لما شفته قلت اكيد حرروا فلسطين وطردوا الصهاينه الملاعين.... وهو شغال تقحيص واستعراض وازعاج للناس وتعريض حياه الاخرين للخطر وكان ارواحهم تساوي التراب.... فكل من يرى هذه المشهد قد يقوول الشرهه مب عليه على اهله اللي مخلينه كذا وتاركينه بالشوارع يفرفر ويزعج الناس بصوت سيارته السكراب... تبون تعرفون شنو المشكله الكبيره واللي انصدمت منها بنفسي .... ان والد هالولد يشوفه وهو يقحص ويستعرض بالسياره ويضحك مبسووط والاب يصفق له اللي قاهرني مادري على شنو يضحك على انه ولده اخذ شهاده الدكتواره الفخريه من جامعه هارفرد ولا ماخذ اليوبيل الذهبي وهو وجهه.... يعني بالذمه شلون نبي الولد يصلح حاله وابوه يصفق له ومستانس له ويشجعه على الشغله هاذي .... وين اتباعنا لحديث الرسول صلى الله عليه وسلم... [ كلكم راع وكلم مسؤول عن رعيته]... امحق راع اذا كان بالطريقه هاذي يشجع ولده على التقحيص والاستعراض وامحق رعيه اذا كانت بالتربيه هاذي وبالتنشئه السيئه.... وبذكر شيء اخر وهو اللي اسميه دوار الموت وهو بمنطقه جابر العلي ... تعرفون ليش سميته الموت ... لان فيه بعض الشباب شيسوون بالدوار ينثرون الديزل ويصبونه على الدوار ليساعد على التقحيص والاستعراض ويستانس لين يخيب ثناه... المشكله ان الديزل هذا يسبب حوادث لناس مالهم شغل ... انا عن نفسي شفت هذا الموقف قدامي... سياره تمشي قدامي وهو رايح صوب الدوار و تتزحلق السياره على الديزل ويصعد الرصيف بسرعه كبيره و بالسياره رجال و امراه و بنت صغيره... يعني شنو ذنبهم يتعرضون لهذه الحوادث والسبب شباب مراهقين واهلهم تاركينهم بالشوارع... يعني نفترض انا يمكن اكون الضحيه او احد من يعز علي او احد يعز عليك انت ياقارئ الموضوع او أي احد من المسلمين... ولنا برسول الله قدوه حين قال صلى الله عليه وسلم.... [ بينما رجل يمشي بطريق, وجدغضن شوك على الطريق فأخره, فشكر الله له,فغفر له انشالله].. صدق رسول الله صلى الله عليه وسلم.. رواه مسلم برقم 6612 في كتاب البر والصلة والبخاري في كتاب المظالم رقم 2472 هذا ابسط مثال غصن شجره شكر الله له... وشلون بديزل او اشياء قد تعرض حياه الاخرين للموت .... اخيرا::كل واحد منا يبادر ويحاول ان ياخذ اخوانه الصغار ويستغل وقت فراغهم بما هو مفيد لهم وان يستثمر وقت فراغه في اشياء طيبه ومميزه ولايضيع وقته بايذاء الناس وايذاء نفسه.... ** المستفاد من هذه الفاصله** 1_التربيه الصحيحه وزياده الوعي الديني. 2_ استغلال وقت الفراغ افضل استغلال واستثمار وبما يرضي الله. 3_ كف الاذى عن الطريق وعن المسلمين. اخيرا::: لكم السعاده.