[عايض الوقدان]

مرحبا


فالبدايه اشكر مس على الموضوع



1-عرفنا عن نفسك؟

انسان هادئ جدا ً .. طيب ..مزاجي في بعض الاحيان ..
في شيء مدري له دخل والا لا بس بذكره (احب الشتا ,واكره الصيف)


2_اللقب؟
قال تعالى: ((ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون))

3_عمر احساسك؟
ثلاث سنوات .


4_هواياتك؟

الشعر .. القراءه .. بلاي ستيشن

5_اكتب لنا تعريف للإحساس؟

تعريفي : اشاره معنويه يرسلها القلب ولا يستقبلها الا القلب ..!

6_أبيات ترحيب من اختيارك أو كتاباتك .. ؟

أقول يا مرحبا مليون=ياللي تشاهد إجاباتي
مادمت انا الشاعر المفتون=اليوم بحكي حكاياتي

*ابيات حب؟

(وجهة نظر) قلبي عن الحب يا حسين=طبعا بحكم (التجربه والمآسي)
هم .. ودموع .. ونار فرقا .. وسكين=(الا) اذا صار الوفا شيء اساسي

*ابيات عتاب؟

لا يطول الصمـت فعيونـك كـلام=لا تخفي شرهت القلـب الجريـح
كان في صدرك عتـب والا مـلام=ليه صمتك طال . .؟ ولسانك فصيح

*ابيات شوق؟

ما يموت الشوق لو طال الغياب=وما تمل العين طيفك لا حضر
صرت انا الضامي وصرت أنت السراب=ومن بعد طعم الوصل ذقت الهجر

*ابيات الوداع؟

قبل تبعد وتتركني ابسئل سؤال=الحسافه على الايام والا عليك؟

7_بعد الخيانة انتهت رغبتي فيك.. و إن كنت تذكرنا ترانا نسيناك

(( وش إحساسك لما يوصلك هذا البيت على جوالك وشراح ترد ))

لو أني خاينك كان أهون علي ..!


8_لك وحشه ماهي لغيرك من الناس .. انت اللي .. بس .. اقدر اسميك غالي...!!

نبي تحط لنا رد على هذا البيت.. في بيت من اختيارك.؟

جعلك بعد ناسٍٍ على البال يطرون=وجعلك بعد عمري وقلبي فديتك!!

9_من هوفنانك المفضل ؟ اكتب لنا أبيات من أغنيه له وتكون محببة إلى قلبك والقريبة من إحساسك؟

نادرا ً ما اسمع اغاني ..!

10_من أشعار شاعرك المفضل ؟ قريبه إلى قلبك وإحساسك؟

للأمانه هم كثيرين بس اللي طرا علي (رشيد الدهام)

وبذكرله :

تعالى نسكت احسن من كلام تاليته جروح=نحب بصمت دام الصمت ما يجرح مشاعرنا
انا وانتى وطول الصمت والدمعه وكثر البوح=وليل مابقى به حيل ينهانا ويامرنا
بكى ما كنه اللى كان يغرينا فرح ومزوح=سكتماكنه اللى كان ملهمنا وشاعرنا
توحّى تسمعين الليل مدرى وش بلاه ينوح=على ضحكاتنا والا على كسرة خواطرنا
اذا يبكى من الفرحه علينا علميه يروح=واذا يبكي حزن تكفين قوليله يسامرنا
ويجبر خاطر قامت هواجيسه تجى وتروح =يشوف الحال ويكف السؤال اللي محيرنا
صحيح انا صبرنا واعتبرنا صبرنا مصلوح=لكن ما بقى شى عقب هذا يصبرنا
دخيل العاتق اللى له ورى ليل الجديله وضوح=وفي جاه الشفاه اللي بنسمتها تعطرنا
وفى وجه العيون اللى بقى للدمع فيها روح=لاجل خاطر ليالينا وماضينا وحاضرنا
تعالى نسكت احسن من كلام تاليته جروح =نحب بصمت دام الصمت ما يجرح مشاعرنا

11_نبي إحساسك باللحظة هذه توصفه لنا بأبيات؟

تعبت من تنسيق كل الاجابات=الله يجملها وتطلع جميله ..!

12_الطيب أساسك و الفخر للي يماشيك ، و الذوق شخصك، و يا سعد من هو يخاويك
(إحساسك لما يوصلك هالبيت عن طريق مسج )


بفرح وبرسله ( الله يجبر بخاطرك)


13_انت إنسان حساس ؟ أوصف لنا مدى حساسيتك؟
الى أبعد مدى ممكن ..!


14_صوره تعبر عن إحساسك؟

كلكم توافقوني أن الاحساس اكبر من انَا نعبره بصوره ..!


15_وش أكثر إحساس تحسه بأيامك ؟ مع أبيات معبره لهذاالإحساس ؟

الحزن :

يا حزن لك في ربوع الصدر منزال=وكرامتك دمع يذرف من عيوني
اقدع جروحي وهاك الهم فنجال=خابرك ما ينشرح صدرك بدوني
انا على هقوتك في كل الاحوال=وفيك أنت يا حزن ما خابت ظنوني

16_ وبعد نهاية الاسئله شنوإحساسك ألحين؟

احساسي حاقد على شيخة الغلا
ومشفق على اللي بعدي ..!






أختار .. !


خلاوي الشمالي