[ناصر حمد العبيد]

هذه قصيده للشاعر المرحوم منور الرشيدي رحمة الله عليه وعلى امواتنا واموات المسلمين

عديت راس اللي نبا منه بالي راس الطويل اللي عسير معداه
ياليت منبوذ الردايف نبا لي يابوعلي كود اتوجد بلا ماه
اوقم سو فنجال على شف بالي يصبغ على كف الخراعيب من ماه
واحمس على جمر عقى باشتعالي لمى تبش من العرق تقل مسقاه
ولقم بدلة من يفك التوالي شامية باقصى الواهيب مركاه
وبهر بهيل لو مشاريه غالي والرزق عند اللي على الناس حسناه
ودقه بنجر لين حسه يلالي قنيب ذيب اوخاليات شواياه
والله لولا هدف بن الدلالي وعظم الا ماغاض كيسه مليناه
لاقنب قنيب اللي لقى الجو خالي ذيب عوا ذاق الطنا عقب مسراه
على حبيب يوم دنى الرحالي ازريت انا لا اصله ولا اقف ولا انباه
بيه جلاد لين طوى وشالي تصرمت بيبان قلبي من اقصاه
مدري من اللي سندوا للشمالي والا جنوب هف صيبة مروراه
اومااحذرن ياشوق عن قول يقالي والا انت بين لي ترى الود مااشهاه
ودنياك هذي كلها للزوالي ماسنعت لايوب والترك واحذاه
ومن قدمناماسنعت للهلا لي وجميع ماقالو هل العرف شفناه
ماتمشي الا مشيها باحتمالي مثل العليل اليا تحدر بممشاه