[@ مــتــعــب @]

السلام عليكم ورحمة الله وبركاته
ذالقصـــيده لاسمعتها يشــــوش راسـي وأحس اني طاير فالسمــا
ولو انها قديمه بس أربهــــا تطيركم معي

ياضيوفنا بيض الوجيه السمحـه النبـل الكـرام=الليلـه العيـن الحزينـه مـاحـن مبكينـهـا
يامرحبـا ترحيبـةٍ فيهـا غـلا والا انسـجـام=تكاثروهـا القـوم والعجـمـان متشاوينـهـا
الله خلقنـا درجـات وكـل انـسـانٍ مـقـام=لكن قربـه مـن عبـاده فـي تفـاوت دينهـا
والعين مدهال السهر والقلـب مدهـال الهيـام=والانفعـال اللـي يسببهـا التـفـاعل بينـهـا
واشرف علامات السماحه فالوجيـه الابتسـام=واعزهـا ضحـك الحجـاج فساعـةٍ ياشينهـا
يامعـزز صبيـان يـام بقدرتـك برجـال يـام=لي زمت من فوق الرجال استر علي من عينهـا
قد تعظم فعين الصغير اصغارهـا بـس العظـام=بعيونهـا تصغـر متاهـات الزمـن وسنينهـا
وان طاحت الدنيا على راسي ماخلتنـي حطـام=اصيح فقصا يـام وعيونـي علـى شبرينهـا
ياوجد حالي يابني عم السعـد فـي كـل عـام=يوم المواتـر خيـل والمـوت الحمـر تامينهـا
الى وقفنا مـع طويليـن الشبـور نشـق خـام=امـا لعيـن ابـن المرظـف او لبـن حثلينهـا
والطنخه اللي صدق والفعل المحكحك.. والكـلام=فعول ربعي يوم ردينـا القضـاء فـي حينهـا
يوم اعتزينا والحراب مركـزه والـدرب شـام=صدورنـا مـدهـال للطعـنـات ومضرينـهـا
في جسم الانسان الطبيعي حسب ماجاء من علام=نظـام اسمـه كريـات الـدم واللـي فجينهـا
هذي ليا ضقنا يجـي فيهـا سـوات الانقسـام=تذوب لين ان الغضـب يغلـب علـى تكوينهـا
ويضخها عرق الطنا مثل العرق عبـر المسـام=اكبـر اشعـه نافـذه ماعـاد تـدري وينـهـا
قد صيح التاريـخ يالعجمـان مامنهـا سـلام=النصـر والا المـوت قلنـا هاتهـا ثنتينـهـا
لو الصحابه عاصرو راكـان وحـروب الامـام=تجاوزت عن ماحصـل فـي بدرهـا وحنينهـا
نملأ عقول الناس فكر ونكسب اكثـر لاحتـرام=ونجي ديـار جهينـه ونحشـم كثيـر جهينهـا
وارجلينا فوق الثـراء وارقابنـا فـوق الغمـام=وان انحت ابراج السماء حـن اللـي امنحينهـا
والا التهامي يلوي اشدوقه وتصفـق لـه تهـام=وسيوفهـا ماهـي تهـوم الاعلـى سكينـهـا
ياقانـي الجربـا تراهـا لاتبـاع ولاتـسـام=لوتنطلـي مـن خشمهـا لفرسـن اكراعينهـا
واللي فراسه حب مايطحن وفي خشمـه اعـرام=ياتي مع وجـه العـرب لايمـر مـع جنبينهـا
في شارب ابي راشد اللي قومتـه لامنـه قـام=تهز راسي من طنخ وتشوش بـي فـي حينهـا
ماكبرت الحمله على كتف الجمل جبر العظـام=إلا وكتفـه قـد صلفـات السنـيـن ولينـهـا
اليـا نكحناهامـع رجلينهـا فمهـا حــرام=وشلون ننكحهـا مـع فمهـا ومـع رجلينهـا