بسم الله الرحمن الرحيم
:
أسعد الله وقتكم بكل خير اخواني وأخواتي رواد
مجالس قبيلة العجمان
:
قصيدة للشاعر:
محمد بن فطيس
:
وبصوت وأداء الشاعر:
منير البقمي
:
أتمنى إنها تعجبكم
:
ليه المسا عوق الشقاوي وطبه؟=وليه الهبوب تصحي القلب لا بات؟
وليه القمر يدعي جريح المحبة؟=ويقول له يا هيه..ما فات ..ما مات
جرحك ظهر لو قلت للوجه خبه=وللحزن في ضحكك رسوم وعلامات
وليه المطر بالذات ريحه.. وصبه=كنّه رسول بين الأحباب بالذات؟
أشتاق فيه لشوفتك وأتنبه=للي نسيته من مواقف ونظرات
لا استانس الخافق ذكر من يحبه=ورجع يراجع في الوناسات ما فات
يا مرتع القلب الحزين ومربه=يزين بك مثل الذهب صدر الأبيات
هيهات ينسى القلب شخص لعب به=وهيهات يدله خاطري منك هيهات
سبك مديح ومدح غيرك مسبة=تقول وأذني صوتها تقول لك هات
ونبع الغلا عندك وعندي مصبه=ومن الولا .. في خافقي لك ..ولايات
وطيفك حطب عيني..وعيني مشبه=والشوق بردٍ ما انقطع لو للحظات
ومكانك الصدر ولك القلب شبه=بين الضلوع اللي فردها التنهات
ولك بيرقٍ في القلب حبك يهبه=شامخ ولا هزه من العذل غارات
محبتك في الوقت ذا ما تشبه=إلا بخيمة بدو بين العمارات
إن شفتني ضايق وأهوجس وأسبه=أخاف غدر الوقت.. والوقت دورات
لا تحسب إن دمعي نزل دون سبة=أبكي من الفرقا وهي مابعد جات
اليوم كل أمورنا..مستتبة=وبكرة ما ندري وش معه من مسرات
أرب قلبك مثل قلبي أربه=ما يخلفه كثر العذل والمسافات
:
:
للتحميل اضغط هنا
:
تقبلوا تحياتي
: