سلام من العتيبي ما يخص الا تـرا العجمـان = سلاله روس قوم(ن) اميرهم راكان بن حثليـن
هل الفزعات والنخوات لو صفو على الميـدان = رجال(ن) تحتمي الميقاف في وقت القسا واللين
ولا واهني من ينصالهم فـي حـزة الرحمـن = يوفون الحقوق اهل الكرم ما بين حين وحيـن
رجال(ن) تنطح الفرسان في يوم اللقا شجعـان = يضدون الحريب ليا اعتدى ما بين خشم وعين
فعايلهم قديمه من علـى التاريـخ والازمـان = ولا احد(ن) يجحد اهل الفعل والخافي تراه يبين
حرار من حرار ويذبحـون الحيـل لضيفـان = بنوك المعرفه من جيلنـا الاول ليـا ذلحيـن
ليا من جا دخيل البيت ينخا يرقص الشيطـان = حموه من المغيره لو يزين العلـم ولا يشيـن
رجال(ن) يكسبون الطايلات ان ثور الدخـان = سعام القوم يوم القوم في غزوة بـدر وحنيـن
يا طيب العزوه اللي فعلهم بين العرب قد بـان = طحاطيح الرجال ليا اعتزوا بالسيف ابو حدين
مقابيس الظفر يوم الوغا ومصـادم العـدوان = يا كم من فارس من فعلهم وقع على اللحييـن
انا ما قلتها ناصب وانا مـا قلتهـا غلطـان = حقايق والحقايق كنز مـا يفنـا مـع الحييـن
ليا جا الضيف والعاني ترا ما تقفـل البيبـان = ترحب به على سهل ارحب وتكـرم اللافيـن
علوم(ن) ما تثبت ما لها خانـه ولا برهـان = وتشهد كل ابو روس القبايل حاضر وبعديـن
وانا روقي من الروقه وانا عتيبي من العتبـان = قبيله وافيه بيـن القبيايـل تنطـح الجمعيـن
وسلام من العتيبي ما يخص الا ترا العجمـان = سلاله روس قوم اميرهم راكان ابـن حثليـن