الشعر ما يرجع العاشق,,, لعشاقه
مليت انا والقصايد,,, ملت اوراقي
والدفتر اللي كتبت الشعر بوراقه
أبحرقه مثل ماهو سبب احراقي
قولة رجع صاحبٍ حنيت لعناقه
كلمة وتقفي مثل ماراح باشواقي
لوقالت ابيات شعري قرب اشراقه
الوضع نفسه ودمعي غادر احراقي
والطاري اللي بروحي خلت براقه
مناوي ٍ تنتهي وفراقي .. فراقي
القيض حان وربيعي جفت اوراقه
العمر راح اوله حزني من الباقي
من لام قلبي عساه يذوق ماذاقه
عساه يلقي هوى تلعان الاعناقي
الحب كم واحدٍ غيرله,, اخلاقه
الحب سقم ٍ جرى في داخل اعماقي
الليل من سبته ياكثر عشاقه
ما يعرفون الكرى يالين الاشراقي
فيه يتساوى الغني وصاحب الفاقه
كل ٍ خفوقه يعذب مثل .. خفاقي
من طب سجن الهوى ليدور اعتاقه
إن غاب خله شقى في طيفه الباقي
صديق.. شاعر ومبدع
كم أتمنى أن يكون معنا هنا
لكن لا علاقة تربطه بعالم النت
سليمان الغـفيلي
مع طاريه الذي تآتى إلي الآن ..
تحايا و جنات من الورد أهديها لك
وبظهر الغيب لك مني الدعاء