ألا يا قلب لاتحزن ألا ياعين لاتبكين =على من صد دون أسباب والصدّه هي الصدّه
يقربني ويبعدني معذبني ثلاث سنين =كفى ياقلبي وعيني ترى صبري وصل حدّه
..
.
تكبّر شايفٍ نفسه تغيّر ناعم الخدين = غريب الوصف لاسلهم عيونه حيل مسودّه
وصوفه سبّة جروحي عذابي من كحيل العين = إلا منّه طرا لي صارت أيّام الرخا شدّه
أعيف الزاد والمشروب وأسهر والعرب ممسين = وتفكيري مع اللي قاسي وحبل الشقى مدّه
وهو عارف معي حبه يزود بكل وقت وحين = ويحق له الغلا كلّه حبيبي من يجي قدّه
الله الله
صح الله لسانك يابوفهد
ولاهنت قصيدة جزلة من شاعر جزل
ولاعدمناك وننتظر جديدك
تقبل سلامي واشواقي
الخويطري