1/ أنشودة كنتي/ كنت , تحبينهآ أيام الطفولة ؟ ياقميرة الدودو .. ياقميرة الدودو .. ياقميرة الدودو .. الليله زورينا... الليله زورينا .. طلي على حوشنا ...طلي على حوشنا سمعي غناوينا... سمعي غناوينا هلّى هلّى علينا هلى علينا .. طلّي طلّي شوفينا طلي شوفينا .. ياقميرة الدودو .. ياقميرة الدودو .. ياقميرة الدودو .. ياقميرة الدودو .. احنا الورد والريحان... احنا الورد والريحان .. الف بسم الله علينا...الف بسم الله علينا يحرسنا عالي الشان..يحرسنا عالي الشان وين مارحنا ويّنا ..وين مارحنا ويّنا حنينا الأيادي حنينا الأيادي في فرحتج يابلادي في فرحتج يابلادي .. وغنينا سويه و غنينا سويه في فرحتج يابلادي في فرحتج يابلادي .. يام الخير يام الهنا .. ياعل يدوم خيرج لنا يام الخير يام الهنا .. ياعل يدوم خيرج لنا ويسلم لنا جابر ويا سعدنا ويسلم لنا جابر ويا سعدنا .. هلّى هلّى علينا هلى علينا .. طلّي طلّي شوفينا طلي شوفينا .. كويتنا الحره كويتنا الحره تضوي مشاعلها تضوي مشاعلها .. والفرحه و الزينه عمت منازلها .. تسلم تسلم لنا اكويتنا ياقميرة الدودو .. ياقميرة الدودو .. << وبس ههههههههههه طبعا كل صبآآح مشرق اطربهم بهالغنية دون ملل .. 2/ شخصية كرتونية كنتي /كنت ’تحبينها/ تحبهآ ؟ بل وسبستيان .. بامبي .. بومبو ..ليدي ليدي ..سنبل .. 3/ كيف كنتي/ كنت ’ أيام طفولتك شيطانية / شيطآني /ولامؤدبة /والا مؤدب؟ كنت مؤؤؤؤؤدبة و هاادية .. ولعووب 4/ موقف عرضتِ فيه أهلك للأحراج ؟ كالعاده في كل صباح مشرق انزل حق جدتي و هي تترنم بالأغاني والأهازيج لي (( ياناس قول هلا بالزين .. قولوا هلا بالقحطانيه .. عذروبها لمعة الخدين ولا الـ حجة هلالية ..)) << يوميا بعد قلبي هذي الأسطوانه المهم شربت حليبتي معاها جان تقولي تروحين معاي السوق .. قلت خشيني عندج وإذا جاا أبوي قولي له راحت مع ( أمين ) ههه طبعا تدري و ابوي يدري .. بس يعني خطة هههه وسحبت ع الروضه ورحت معاها سوق السمج ..! ولا السماج(( راعي سمج )) يطلع لي ضروسه (( تركيب كلهم يمكن بس الأنياب الي تحت طبيعين ولا الباجي كلهم طلعوا )) جان اسحب ايدي جدتي واقولها يبي ياكلني وابجي بجي .. خرعني حسبي الله عليه .. علبالي بياكلني .. وانخش تحت عباية جدتي طووول الطلعة وجدتي مستانسه ههههههه .. <<هذا الي اذكرهـ والخلل مو مني من السماج وربي لين الحين اذكرهـ لان كان موصج 5/ هل كنتِ/ كنت , ذات شخصيه قويهـ أم مغلوبـ (ن) عليهـآ ؟ لا موقوية بس مو مغلوب علي .. يعني اخذ حقي .. 6/ موقف حصل لك في طفولتك كان له دور في تغيير مجرى حياتك ؟ فش ؟! 7/ أكبر ( عيدية ) جمعتيهآ كم ؟ ,, ومن مين ؟ والله مااذكر .. 8/ من كـان يدلعك أكثر أبوك ِ أو أمك ؟ .. جدتي بعد قلبي .. أما الماما فهي لعيالها الشباب والبابا لبنته الصغير .. أنا لي الله ثم جدتي .. 9/ إســم كان دلعك بالطفولة ولحد الآن ينادونك فيـه ؟ أم عيون فتاانه << ترى طنازه 10/ بطفولتك كنتي تبكين إذا ماجلستي/كنت تبكي اذآمآجلست./ بالاول بالطابور أو الفصل ؟ لا والله ولا طرى علي .. بس كنت اصير قائدة المجموعة او الفريق .. 11/ لعبه موجوده من صغرك وإلى الحين عندك؟ الله يرحم حالهم .. ويخلي لي الماما ع طوول تصفيه لين خلصوا 12/ وش اكـثـر حلاو كنـتي تحـبينهـ /كنت تحبه؟ حلاوالكرز .. 13/ وش اسم أول استاذهـ/ استآذ درستك ؟ أبلة ابتسام << الله يصلحها فلم رعب مو أبلة ؟! وأستاذ .. جآك 14/ هـل كـنتي تـعانـين/ تعآنيني ,/ مـن اخـطاء فـي مخـارج الحـروف ؟ لا الحمدالله .. 15/ آخر سؤال .. وش نبزتك ( معيارك ) المعروف فيها وانت/ وانتي صغير/ صغيره؟؟ الخوافه .. << كنت خوافه