يقولون القمـر لاغـآب يضـوي له على ديره =وأنااقول الحبيب أن غاب يضوي له على خلان
أجل شـأسباب هالغيبه وابي شأسباب تأخيره =وأبي ليــه الجفـا يا قلب وأنت بغيبته حيران
شهر وأكثر ولاطــرش عن غيابه معاذيره=ياليتــه لو تعـذر بالظروف ولايمه غلطان
تعبت ولا طـرآ له يتصــل قل علها خيره=وش أنت متعبً حالك مع وآحد قليل أحسان
يجــي ميت ولـه لامن شكا وقته وتعزيره =وإذا قفــآ على وجهه حبيبك ناقـة عريمان
أقـول أنه مـوآلـف له بشــر خلاك تقزيره=وأقول انك على هامش حياته ما بقى لك شان
الله الله الله الله ,,
حمد السعيد مبدع جداً ,,
و دامه تطرق في قصيده لعريمان ناقته ,,
و انا بشرح اللي حنا يالعجمان نقوله ,,
يقال المثل ذا عندنا بذا الصيغه : (فلان كنه فاطر عريمان ) ان قامت نارت و ان بركت ماقامت ,,
نارت =يعني ابلت بلاء ٍ حسن ,,
و فاطر عريمان اذ بركت ماعاد تقوم الا عقب العُزر ,, و اذا قامت من مبركهااا تقول : ابشر بالسعد 
و سلامتكم
و شكراً اختي صدى الذكرى ,,
فمان الله ,,