بسم الله أبدى و ابتدي بدع الامثال = والله يجمّلني بذكر الحقايق
حقايق ٍ يفخر بها كل رجّال = يوم إن بعض الناس للحق بايق
أفعال شيخ ٍ كل ما عدّوا أفعال= أشهد له بفعله و اسوق الوثايق
نصيته بصيته و ذكره بالأقوال = في مجلس ٍ فيه النشاما حلايق
يا ( عامر بن حزام ) حققت الآمال=جعلك بعد منهو يحط العوايق
فزعت لي بالوجه و الجاه و الحال= و برّدت كبدي عقب ماكنت ضايق
ماهي غريبه منْك يا طيّب الفال = يكفيك تكليف الولاة الوثايق
للصلح سبّاق و للشرّ حلاّل = أنا اشهد إنْك فارق ٍ فالخلايق
يا سلالة الشيخان يا نسل الابطال = تاريخكم يشهد لكم في الورايق
أوراق عز ٍ في الكتب مالها امثال = مثل النجوم الساطعات الشعايق
أنوارهم وسط الدجاء مالها ظلال = يندلبها من تاه بين الطرايق
اللّي لهم في قمّة المجد منزال = حتى العجم تشهد لهم في البطايق
لا قلت ( خرصان ) يجي الارض زلزال = ولا قلت ( عجمان ) تشب الحرايق
من دون نقصان و من دون مثقال = كل القبايل وافيات شقايق
قلته وانا من لابة ٍ فعلها هال = هال القلوب الكايدات الحذايق
( دواسر ٍ )عند اللقاء نشعل اشعال= لا جاء نهار فيه زفر وشهايق
( خطلان الايدي ) من قديم ٍ ولا زال = اسم ٍ لنا ثاني عظيم ٍ ولايق
وقت الفقر وقت القفر حالنا حال = مغنينا رب الكون جل ودقايق
تشهد لنا سود المجاهيم ودلال = وسط الفيافي ساكنين الحدايق
و يكفينا فخراً دامنا كلنا اخوال = اهل المهابة لابسين الذلايق
ولاتنا قاداتنا بكل الاحوال = أصل العروبة كاسبين الوفايق
يستاهل المدح الشيخ عامر ابن حزام ابن عامر ابن خرصان ,,
و صح لسان فهد ابن مطلق ,,
( خطلان الايدي ) من قديم ٍ ولا زال = اسم ٍ لنا ثاني عظيم ٍ ولايق
و مية نعم به و بالمصارير و الدواسر عامة ,,
و صح لسانك يا نايف ,,
و بيض الله وجهك يا السنافي ,,
تقبل مروري ,,
أستودعك الله ,,