عيــــــــــــــــــــــــــــــــــــن تـــــــــــــــروم العــــــــــــــــــــــــــــــــز
ارى الوقت من بعد الوضوح ظلام
ولا عـاد بـه للغانمـيـن مـقـام
توارت بدوره من غياهيـب ظلمـه
وغشاه من بعـد الوضـوح ظـلام
الا يا زمان الغدر لا عـاد يومـك
وعلى الدهر الاول كل يوم سـلام
عليـك منـي كـل مـاذر شـارق
سواد على روس الهضـاب يقـام
نجزاك بالسودا على واضح النقـا
ولا عاد لي بك يـا زمـان مـرام
بالوقت هذا شفت ما يبحث الخفـا
ضعاف المعاني صوروهـا جسـام
اشوف فيه البـوم يدمـي مخالبـه
والحـر بيـن الطايـرات يضـام
والنمر مجلد والحصانـي تهومـه
اصابه من شـوف الهـوان هيـام
يشـوف بالعيـن العزيـزه مذلـه
ولا طـاب لعيـون العزيـز منـام
عين تروم العز ما تالـف الكـرى
حـرام عليهـا ان تنـام حــرام
نصبر على هذى وهـذى ومثلهـا
وافراجهـا عنـد الكريـم شـمـام
يا مدورين الطيب ماهـوب بالمنـا
الطيـب عنـد الغانميـن اقـسـام
اقوله على مـن هيجتنـي مثايلـه
وحطـت علـى الهينـات عظـام
فتا ً ما بلغ بالعمر عشريـن حجـه
وصعـد لنجـم الحاجزيـن وحـام
مشابين صفات الجمـوع وصفقـت
لـه القلـوب الساميـات غــرام
ونا على مـا راد والـم وحاضـر
ومالـي ونفسـي باللـزوم عـدام
خذ العهد من رجل إلى قال ما كذب
وده يمـوت ولا يجـيـه مــلام
يرى الموت بالعز الرفيـع سعـاده
وبالـذل مـا يرضـا الحيـاة دوام
الذل يرضى به من النـاس خامـل
والحر عـاف الخامـلات وشـام
يشـوم مـن دار لـدار يرومـهـا
وعسـاك يـا دار البغيـض هـدام
على من بحث سدى وهيج صبابتي
سـلام عـدد وبـل ذراه غـمـام
شعر :- الأمير محمد بن أحمد السديري ( يرحمة الله )