( ألمان العرب )
لــ / الشاعر .. محمد بن صويان آل حبيش
بمناسبة فوز خالد سالم العدوة
صلوا على النبي
؛
؛
الشعر فيض المشاعر والغرض حسب الشعور
لاعسفه الشاعر الموهـوب بالطـاروق غنـا
/
والمواقف في مـدارات الفكرقامـت تـدور
أجمل أبيات القصايـد تنعـرض منـا ومنـا
/
تعرض بسوق الجزايل لاغـدا للشعـر دور
لولـو ودرٍمرصـع منوتـن لـلـي تمـنـا
/
كانهـا ذنـبٍ لعلـه ذنـب لاتبـت مغفـور
لو أطيـع جنـون شعـري للمتاهـات أقلعنـا
/
شاعرٍ لاقلت كلمه ..جيت أسورهـا بسـور
شقت أذن اللـي سمعهـا والمعانـي روحنـا
/
من يمين ومن يسار ولو يلـف ولـو يـدور
مايصح إلا الصحيـح ومـن يخالـف ماتهنـا
/
منطق وفكر وثقافـه عقبهـا منـت معـذور
قبلها حكـم الوراثـه فطرتـن لامـن سألنـا
/
تعسف بوزنٍ معرف من طواريـق البحـور
في لسان الشاعـر اللـي فالمواقـف ماتونـا
/
للقلـم حـقٍ علـى متفلسفـه كـان غيـور
ا لأمانـه لاحفظهـا .. يرتقـي بالفـن فنـا
/
صدُع جدار المعاني من نظمها كذب .. زور
جانـيٍ ينحـر حقـوق الشعـر لازاد وتجنـا
/
جاهل يحسب حصاد المعرفـه مالـه بـذور
أو لقيطن فـي الرعايـه يرقـب امٍ لـه تبنـا
/
مادرى أن الشعر من ضمن الأدب علم ٍ نور
فطرتن فالشاعـر اللـي مـن ثقافتـه تحنـا
/
شوشُو عقـل الجماهيـر بتفاهـات مخمـور
حسبـي الله عـن مشوشـة القصايـد لبتلنـا
/
جيت أدور للفحول إن خلُيـت الـدار بتبـور
هم اقل مـن الأصابـع فالعـدد لـو يحسبنـا
/
من مقاديم البيوت أقلط وتلقـى مـن يشـور
ومن قفاها سارقٍ والوضـع يبقـا فيـه إنـا
/
يالله أنك لا توردنـي علـى حـد القصـور
في ظـلامٍ فيـه نيبـان الظـواري ساومنـا
/
دامني شاعر مشاعر في معاناتـي صبـور
لا تغربني وأنـا بيـن الرفاقـه فـي وطنـا
/
حجـةٍ تـارد وتفلـج كـل محتـالٍ فجـور
حين تـوزن بالموازيـن الثقيـلات أرجحنـا
/
لامدحنا .. مامدحنا غيـر رجـال مخبـور
وإن تكلمنـا صدقنـا .. وإن تعزوينـا فعلنـا
/
أعتزي فعجيم ثم وعيل وهشام ألـه أصـور
ومذكر ويام بن يصبـا لابيتـى لاقلـت حنـا
/
صلب يام أهل الفعايل من قديمات العصـور
لقبونا ألمان هتلر .. بس حنـا أكبـر وأهلنـا
/
العرب بحقوقها عن كـل أنانـي ومغُـرور
والجمـال الهـادره ترغـا لياشافـت جملنـا
/
ضربنا بقلوب الاعدا والجماهـي والنحـور
تركيا والفـرس والرومـان ماتنكـر طعنـا
/
يوم خلق الله على سلمـى تـزاود بالمهـور
نشتري اليـوم الكبيرإللـي لبسنـا لـه كفنـا
/
في الجزيره شايخـنٍ يـوم تجـار التمـور
تدفع الجزيـه وتخضـع للأوامـر لا ومرنـا
/
وكل أبو جنحان طير ومن يفـرق بالطيـور
يـدري ان النـار حيـه والقبايـل يفرقـنـا
/
ومن تعرضنا بقـافٍ قافنـا ظلمـة قبـور
والجنـازه شلتـن ماشلهـا انــسٍ وجـنـا
/
بضرب بكفٍ حديد لا يغدا الموقـف يفـور
كنها بـرد وسـلامٍ لاصطـلا الميـدان جنـا
/
وبعقل النيه على بيـض الهقـاوي بالامـور
عقبهـا بقـول عفـوك ربنـا أنـا اتكلـنـا
/
قالهـا شبـلٍ يفاخـر بالأسـود وبالنمـور
من عرين وغابتـن فيهـا الحصينـي ماتثنـا
/