سافــري فـيــني وخلـيــني مـقــر = حــقـقي لي منـية الفـكر المحال
واقطفي من روض قلبي لك زهر= اسعديـني مـن بـهاكي والجــمال
الشـرايـيــن الشــفــوقــه لك نهر = تحتفي بك شوق يازيـن الوصـال
أشعلي ضلوعي حطب جمر(ن) حمر=احتمي بِدْفَايْ لـ هـب الشمال
احـتـمي في زفــرةٍ جــاها القـهـر = مـن حـرارتها غدا فيـها اشتـعال
بــسمـتــك هـتــّان تـرويـني مطر = بـالـفــعـل ماني كذوبٍ بالمــقـال
لاتــلومـــيـــني إذا مـنــّي بــدر = حب طاغي في زواياالقـلـب جـال
أو مشاعر صاغها شعري جهـر = أو لـمحـتـي بي تـواصيـف الهبال
كل عضو(ن) قال قولوا لي خبر= حتى نبض القلب يوحي لي سؤال
لانك احساس(ن) بوجداني حـفـر = حـب صادق لاتـحسـبــيـنـه خيال