شقي ؟؟00 مستلج 00 مشاكس؟؟00 ويمكن مجرم << بس اجرام شيطنه!! ملكع 00 عنيد 00 مهبول << هبال أطفال طبعا كلنا مرينا بمرحلة الطفوله <<< أحلفي بالله 00 يعني فيه احد انولد وهو كبير ؟؟ أوقات واحنا قاعدين مع الأهل ويصير موقف أو طاري ويذكرونا بشقاوتنا وبرائتنا أيام ماكنا صغار 00 بعضها مضحكه ومحرجه بنفس الوقت وبعضها كان فيها خبث ولكاعه ((شقاوه)) وفي كل الحالات كنا في قمة البراءه << يرحم حال جيل الحين ومازلنا نحن ونشتاق لسوالف الطفوله وان كانت محرجه <<<كأني كبرت عمري والا ؟؟ ونحاول نسترجعها بالكلام فيها مع الغير كل ماجاء الطاري جميل ان نحتفظ ببعض المواقف في ذاكرتنا 00 فالعمر يمضي ولايبقى سوى الذكرى00 والأجمل أن يسطر كل من يتواجد منكم بصفحتي هذه ويدون لنا ماوصلت له شقاوته أيام الطفوله ويذكرنا بمايزال عالق في ذهنه من ذكريات بالنسبه لي كانت تقول امي اني هاديه وفي حالي 00لبى قلبي << ايه هين ذربه من يومي مواقف كثيره منها موقف محرج وكل ماذكرته فطست من الضحك << الله يسامحك يايمه اذكر يوم كنت صغيره بالابتدائي تقريبا ثالث ابتدائي كنا دايم انا واختي واخوي ملازمين البقاله اللي مقابله البيت وحتى الهندي اللي كان يبيع فيها الله يذكره بالخير عشرة عمر معه فكانت امي توقف عند الباب وترسلنا اذا تبي شي <<< على فكره اول سبحان الله كانت الحاره أمان الحين لو نشوف احد طالع برى البيت نستغرب لان الوضع مو مثل اول صار يخوف المهم مره من المرارير <<< هذي اولها 00 ماكان اخوي موجود وأمي تبي توصيني اجيب خبز من البقاله00 بس المشكله ان محسوبتكم كانت حاطه بشعرها حنا ومجدله جديلتين يعني شكلي كان تحفه 00 ويقال اني مابي اروح للبقاله بهالشكل <<<راعية كشخه وتزين ههههههههه وخايفه بنفس الوقت اشوف احد من بنات المدرسه ويضحكون علي ): وأمي الله يهديها مصره الا ان اروح وتقول عادي مافيها شي 00 المهم اني بالأخير انضرب على دماغي ورحت واللي كنت خايفه منه حصلته لقيت بنات اعرفهم بالمدرسه وعساهم اللي ماني بقايله مانزلوا عيونهم مني 00 وجات بخاطري وتفشلت فشيله لاقبلها ولابعدها ورجعت لبيت وأنا خانقتني العبره ..لاتلوموني البرستيج خرب<<البرستيج راح يالشيخه مع الحنا خلاااااااااااااااااص بس والله الى الان اذكر شكلي كانت امي حاطه الحنا بضمير لاطخته لطخه محترمه <<< يقال انها تبي شعري يطول الله لايعيده من حنا السؤال اللي يسدح نفسه تتوقعون البنات الحين يقولون تذكرون فلانه يوم شفناها بالبقاله ههههههههههه ؟؟؟؟؟؟؟؟؟؟؟؟؟؟ اتمنى ينال الموضوع استحسانكم وتفاعلكم 00 بانتظار ردودكم
التوقيع
صدق أبوي يوم قال : "راااااااااااااااااااحو الطيبين"