[ابومحمد الشامري]

محاورة جرت بين الشاعر السعودي مطلق الثبيتي والشاعر الكويتي شليويح بن شلاح المطيري في احدى الحفلات في منطقة خيطان في الكويت:

يا سلامي على من هو جذبنا بطيبه=من ديرنا وقربنا خفيف الجناحي
والتحية على شعب الكويت وحبيبه= حامي حوزة الاسلام ولد الصباحي

مرحب بالشريب اللي يبرهج شريبه= من كواكب قدير{ن} كل إبوها قراحي
المراجل على الاجواد ماهي غريبه= اخو مريم مع آل سعود علم{ن} صحاحي

جيت يمك بجرح{ن} ما لقينا طبيبه= وعساك الطبيب اللي تداوي الجراحي
ليت ديس المنيحة ما يقطر حليبه= وانت رجل{ن} على راسك تهب الرياحي

أنت تشكي جروحك والمشاكي صعيبه= صابني مثل ماصابك ولاني بصاحي
أنت ما انته بمتمنح{ن} تبيها نهيبه= ما رد السكيبة لا تسل السلاحي

أنت سريتني في ليل ما ينسري به = والقمر وان بدا من شرق للغرب طاحي
لا تغض النظر والقشع لا تلتوي به= شق ثوب اليتم لين يغدي اشلاحي

وسع البال لين تشوف راس الضريبه= والليالي تبا مسرى مجي ومراحي
ما نطق اليتيم ولا شمتنا نصيبه= هقوتي بالرجال اللي تهز الرماحي

الرفاعي معك بالمخطية والمصيبة= وانتم اهل الغنم ومصبحين المراحي
من حلاله قليل ما لقاله خطيبه= لو يكسر تحت ضرسه قرون الوضاحي

الرفاعي معي بالحق ماهي غليبه=وانت لبست محزم ما فصل له شباحي
الثبيتي صغير السن يا كثر شيبه= ما حصل له هجاد ولا حصل له صباحي

لو ثيابك نظيفه فيك شك وريبه=تقضم المرو وسنونك سوات المساحي
وانت تسمع علوم الخس وانته صحيبه=كل ما قال لك صيح تلج الصياحي

ليت تعبت روحك والمسافة قريبه= كيف زودت ملح زاد واصبح ملاحي
انت تلعب على الحبلين يابو زبيبه=مار بكره تب تدخل مجال السباحي

استراح يا العصيمي عن دروب تعيبه= لين حتى تشوف الزاد بالقدر فاحي
ما نبا لك خلاف ولا نبا لك غليبه= مار اشوفك تحوش الضين ما ادري اتاحي

كان مستور طاعك ما يقلط غصيبه= مار هو مطيعك وانت علمك مزاحي

ابوحمد الشامري