فتحت صنـدوق الرسايـل .. وحصلّـت
رسالـة ٍ .. ماهيـب مثـل الرسايـل
رسالـة ٍ .. معهـا وقفـت وتأمـلـت
فيهـا لـ.. شـارات المحبـه دلايـل
ذكرت راعيها وفـي خاطـري قلـت :
وينك ؟! ووشلونك ؟! وكيف انت قايل ؟!
مـن الليالـي .. ياكثـر مـا تحملّـت
ومـن دورة الايـام شفـت الهـوايـل
الا .. غيـاب اللـي بقلبـه تسلـلّـت
صحيـح / ورّانـي نجـوم القـوايـل !
انـا علـى جمـر انتظـاره تملـلّـت
واهو على وجهـه .. ولا هـوب سايـل
لكن مـن حـروف الرسالـه توصلّـت
ان الغـلا موجـود والـشـك زايــل