[سعيد ابو ديه]

هذه المحاوره جرت بين العملاقين

خولان ابن عامر...{وبدر العجمي}

ياسلام الله على الى يبعد العلـم ويجيبـه=يوم خولان ابن عامر حلها مدرى عقدهـا
سرها ياطير شلوى وانت تنهبهـا نهيبـه=والمثال ايقول من دور على الحاجه وجدها
مرحبا ترحيبةٍ عند العرب ماهي غريبه=مرحبا في الاوله والثانية واللي بعدهـا
انت ياشايب سواليفك معانيها عجيبـه=والعرب تالي الليالي مادرينا عن جهدها
اخر ايامك يابن عامر على راسك مصيبـه=والمصيبه يبن عامر فالـذى قـادم بعدهـا
حالتك ماهيب حاله من طليبه فـى طليبـه=حاسبك منهو على السبع الطباق ابلا عمدعا
ابن عامر من خلـق الله وهـو قايـد كتيبـه=لوسمحت ارجوك عدها لوسمحت ارجوك عدها
خل عنك العلم الاول لاتجيبـه ويـش تبيبـه=مادريت ان فيه علمٍ مـن وراه امـر وادهـا
الصحيب الى يخون العيش ويبور ابصحيبه=ماعرف حق الجوار ونعمة الله ماحمدهـا
لادخلك الشك ياخولان ولا بعـض ريبـه=شايبك يسندك والشايب على العاده سندهـا
عام الاول يوم كلٍ فـي رفيقـه يعتزيبـه=والعجوز اللى ورى شط البحر تنخى ولدها
ماحماها الا ولد شداد عنتر بـن زبيبـه=والعداء يوم انت خابر في معاقلها هجدهـا
من حرب ربعه يبن خولان يبشر بالحريبه=والجنازه مالها الا دزتـن داخـل لحدهـا
كل جرحن عندنا طبه وانا وانتـه طبيبـه=ماعلينا من حقـودن عدهـا ولا جحدهـا
ياوسيع المعرفه مال الحبيـب الا حبيبـه=وانت تدري بالعيون اللي تعاودها رمدهـا
ان درت عنك الشلاوى مادرت عنك عتيبه=كل فارس سابقه بين العرب تظهر بيدهـا
الحبيبه فارقت خولان يا مقشر نصيبـه=ماتلد العين فى خولان لو داخـل بلدهـا
والله انى لى مع الفريس وقفاتن رهيبـه=مير جانى داخل الغابات اسدها مع فهدها
لاتجي وتروح ماحصلت علمٍ تدعيبـه=العرب ياشايب الرحمن ماتخلف وعدها
البعيده لاتعود في نظر عينـك قريبـه=لاتزود في عددها لاتنقص في عددهـا
انت ياخولان اظنك منت قانـع فالغليبـه=لا تعود مثل من يكتب قلمها مع حمدهـا
ابشرنى عند ذيك السالفه مثـل الرقيبـه=لا تحوس بقصة المهدى وعاين ما قصدها
في الجبل 20 ذيب وفي السهل90 ذيبـه=والبدو ياخوفها مالذيب لاياكـل جمدهـا
احسب انك شايب راسك تزاحم فيه شيبه=واثر ماغير الاسامى والمواري تعتمدها
الله يعز القلوب الى على الفطنه لبيبـه=لو يبن خولان ماباريتها راحت وحدها
من يعاين باخر الدنيا يلاقيها عجيبـه=والعرب ماهيب تفشى سرها للى نشدها
الخبر بيني وبينك وانتبـه لا يندريبـه=انتبه من نوةٍ هلت على الديـره بردهـا
اسلم وسلم على العجمان شبيان وشبيبه=عد براق المزون اللي يسابقهـا رعدهـا