عقب النداوي صار طير الرخم باز = واستفرس الفيوم واستذيب النيص
وقمنا نشوف الحيف واجواز = من اسفل النقره الى وادي العيص
حطو لهم مع سلم الغدر منقاز = والعدل ماتلقاه ناس مناقيص
خلط الحلال بنية البغى ماجاز = ولا ينبني مجدٍ بعوج المخاليص
ياناشد العراف بارقام والغاز = اعطيك عن بعض المخاليق تبخيص
اهل الردا يسقونك الصبر بالقاز = لو انت جار عندهم قدرك رخيص
الجار ياطون على غير ماجاز = وطي الحوافر يقتفيها مفاريص
والى رخص سعرك مع الربع تمتاز = والى على سعرك يبيعونك رخيص
عدوهم عن شرهم وسط الاحزاز = وعلى الصديق ابوردون المشاقيص
هبيت ياطير على الصيد ماهاز = وفي حلة الجيران يلقى مقانيص
محمد الاحمد السديري