[العـــسر]

السلام عليكم ورحمة الله وبركاته

أقدم لكم في هذا الموضوع شاعر جزل غائب عن الساحه لا أدري ما السبب
هو الشاعر :علي بن جابر بن ريحان المري ( السهل الممتنع )
بحاول أدوّن في هذا المتصفح اللي أقدر عليه من قصائد وأبيات هذا الشاعر لعل وعسى أن تنال ذائقتي الشعريه على استحسانكم ..,,
والعذر والسموحه إذا كتبت بعض القصائد ناقصه ( الحفظ ماش مهوب إلى هناك )

لو قسى وقتي علي محدن درابي=كون رزاق الملا .. مغني عبيده
أتحلا بالصبر .. وأجحد صوابي=والصبر لو طال .. عاقبته حميده
لو ملك غيري جنيهات وحصابي=ما ترجيت الفرج من مدة إيده
الفرج .. من عند من ينشي السحابي=واحد ٍ ما شاء فعل باللي يريده
عندي أصعب من طعن حدب الجنابي=منّة اللي لا تجمّل .. عد جيده

=================================================

يا لطيف الروح عيني يوم وادعناكم=ودها تصخي بدمعتها وأنا كانيها
ذقت جمع الشمل بأولها عقب فرقاكم=والحديث اللي يرد الروح في تاليها
شبه صفرا من خيار الخيل مركب حاكم=باخص ٍ في طيب مربطها ومتنقيها
جعل ماضي العمر كلّه يالغضي يفداكم=ومن عطى ماضي سنينه ما ذخر باقيها
لو أبا أبيع العمر وأصخيه لجل إرضاكم=دايم ٍ الأرواح ترخص في رضى غاليها

================================================== ==

ألا واعذابي كل ما قلت قلبي جاز=تردّت عزومه .. كل ما جيت با أصدّي
ثقيل ٍ مع كل المخاليق ما ينراز=ويختف للي رفقته بيّحت سدي
أنا حالف ٍ لو كان قدني على المعكاز=على رفقته .. من باقي الناس ما أبدّي
إلى قلت له بصد وأنساك ... ما يعتاز=جبرني غلاه وقلت ... مانيب من جدي

================================================== ==

عفى الله عن عين ٍ بها النوم ما سجى=سبب واحد ٍ منّي خذا القلب عاريّه
غرامه لجا في داخل القلب وإلتجى=مثل ما لجت بعض الدول للسعوديه
يذكّرني البرّاق في ليلة الدجى=جبينه إلى فرّع والأنوار مطفيه
أنا حالف ٍ يا صاحبي ما أقطع الرجا= لو إن نسبته خمسه وعشرين فالميه
لك الله طرف العين بالنوم ما أهتجى =كما طرف مطلوب القضا من دوانيه

================================================== ==

من كثر ما حن نداري حبنا بالنظافه= لو علينا صيام ٍ ما جرحنا الصيامي
يا وجودي على ذوق العسل من إشفافه=زين ذوقه حلال ٍ عقب ماهو حرامي

================================================== =

شت حظي صوب مرماك وأخطى يالغضي=كني اللي شوتته وقّعت فالعارضه
ما رضى ياتي بك الحظ ... يالوجه الرضي=عزتي للي فراقك يكدّر بارضه
دايم ٍ عندي قريبك ... لزومه ينقضي=واحدٍ لولاك ما الله علي بفارضه

================================================== =

عيني اللي حاربت نومها يا ابو شجاع=كل شي ٍ من لذيذ المنام إيصوعها
من سبايب جادل ٍ يوم نوّى للوداع=إلتفت يمّي .. وعينه تهل إدموعها
يوم نوّى للموادع .. كفخ قلبي وزاع=زوع شيهانة إجبال ٍ حداها جوعها
لا طرتلي كلمة ٍ قالها زاهي القناع=وقّفت نبضات قلبي على موضوعها

=================================================

يا زين كبدي من المطراش منرضه=من عقب شوفك تكن الدمع وإتغضي
يا سعد أبو من غديت اليوم من حظه=يا طيب حظه .. وأنا بصبر على حظي

================================================

هقوتي إني بقصر الثوب وأخلّي العقال =يوم ديّن من قصر دونه الحظ التعيس
لعنبو حظٍ قصر دون من يزهى الجمال=سعد أبو من قابله ليلة الجمعة عريس
يا وليفي وإن حصل لي في صحيفتكم مجال=والله إن أصوم الإثنين وأصوم الخميس
أول النظرات قالوا هل الفتوى حلال=(زين نظرات المواجه لو إنها من بليس)

================================================== ==

ملاحظه : معظم الأبيات أطول من كذا لكن هذا اللي قدرت عليه وإسمحولي على القصور ..,,