[أميرة الإحساس]

مساء الخير ..

وصلنا عند آخر شي ليما المدرس قال حق الطلبة .. ؤوولوو كلوكوو بصوت واحد ياااكسلااااااان ...

كل الطلبةطبعا قامو بصوت واحد إقولون له يااا كسلاااان ..
وهو العبرة خانقتا ..
أول مارد البيت قال حق امه :: يمه ابي اصير متفوق في الأمتحانات الجاية ..
وخصوصاالرياضيات ..

وقعد يدرس الولد وكان كل يوم يدرس رياضيات .. اكثر ماده يدرسها!! ..

قدم إمتحانات الشهر الثاني ..وجا وقت توزيع الدرجات ..

دش مدرس الرياضيات .. جانيقوول.. فيه طالب معانه عمل مجهود جبار

يستاهل إنه الواحد يصفئله ..

تعرفو هو ميين

.. طبعا الكل بلا منازع قاعد إئشر على الأول عل الصف ..

قال لأه مش هو ! ..

قالواكييد فلان كان هم شاطر .. ؟

هم قال لأه مش هو ! ..

قال واحد ماراح تتوقعونه جانيقوول إسم صاحبنا (الكسلااان) .. !

قاله يا فلان ؤووم .. يوم قام .. قال حق كل إلي بالصف .. صفقوله .. !

طلع الثالث على الصف ... !

طبعا السؤال إلي يطرح نفسه ..

ليش قصته بلشت من مرحلة لإبتدائي .. ؟؟

لكل شخص مفترق طريج بحياته .. ويمكن إكون أكثر من مفترق ..

تبتدي متقدمه أو متأخره .. وكل تجربه تبني علاقة بين الماضي والحاضر

عشانيعرف الواحد شلون يتعامل مع مستقبله وشلون يقدر يتعض من ماضييه ..

المهم مرت لسنينوقدر يتخرج من الثانوي بامتياز مع مرتبة الشرف ..

لا وتخصص رياضيات بعد .. ! !

وطبعا مثل كلواحد عقب مايتخرج .. يبي يدش كل الكليات بوقت واحد !

يوم بيدش هندسة .. يوم شلي بلهندسة وعوار الراس بوفلان قالي انه الهندسه

ماتوكل خبز .. والمهندسين صارو ترس الديره ..

يوم بروح علوم اداريه .. يجي له واحد .. من صجك ؟! الحين عقب التعب

والمعدلالعالي إلي يبتا اتروح علوم إدارية.. ! ويين الطمووح !

(طبعا مادري شنو الطموح إليكان يقصده .. يمكن يبيي إصيير رائد فضاء) ! ..

وكل يوم على هل حال يفتر بيين التخصصات ..

آخر شي قرر انه يدرس بره

(MIS (Managment Information System

وبالتحديد في امريكا .. راح التعليم العالي وقدم اوراقه

.. وبنفس الوقت قدم على جامعة لكويت .. بس هل مره هندسة ..

كتحصيل حاصل لا اكثر ولاأقل ..

وهو همه وتفكيره انه يكمل بره لكويت ... وطبعا انتو عارفيين

في بالجامعة امتحانات قبول ..

وعشان إدش الهندسة مرتاح يبيلك تجتاز الثلاث مواد

(الرياضيات , الإنجليزي والكيميا) ..

فقال خل أقدم شخسران .. وراح لإمتحانات ... أول ماوصلته الورقه إلي فيها

تضليل حق الأجابة .. مايبييلهمن اول الورقه ليين آخرهه تشييير !! ..

ماله خلق يتعب نفسه ..

ما كان مهتم إنه يدرس بالكويت فقالليش اتعب نفسي وقرا !

(هذا الغرور ليمين ياخذ الواحد ) ..

مرت لأيام وطلعت نتيجة التعليم العالي ..

ماحب يشوفها بنفسه .. قال حق صاحبه إذا رحت هناك .. دق عليوقولي ..

وصل صاحبه التعليم العالي .. قاعد يدور بين الأسامي .. مالقى إسمه ! ..

دقعلييه .. قاله :: ترا جنه اسمك مو موجوود ...

:: انت متأكد !! جيك عدل ! .. مو وقت غشمرهترى !! ..

:: مو قاعد أتغشمر .. تعال بنفسك شووف ! ..

طبعا جنه واحد صكه طراق مومستوعب إنه مانقبل ..

وخصوصا انه معدله كان عالي ! وكان حاط آماله في هل تخصص ! ..

.. !! للقصة بقية >>