لا زل ثلثين ٍ من الليل هاضت.. عيني و عين مدله القلب نايمه...
السلام عليكم و رحمة الله و بركاته ...
قصيدة لي .. و عسا إن تنال إعجابكم ...
وا كبدي اللي عافت الزاد صايمه=كنّ الهنادي بالمعاليق حايمه
و اللي لجابي كم لجا جاش غيري=و أنا همومي في خفا الجوف عايمه
لا زل ثلثين ٍ من الليل هاضت=عيني و عين مدله القلب نايمه
جلست أفكر في الزمن ذاك الأول=و الليل موحش و الهواجيس هايمه
لامن طرى لي ما طرى قلت ليته= يرجع زمانٍ ما حضرت بقدايمه
حتى يبيّن كل وافي و هافي=يوم الفتى تغني يمينه عزايمه
ما ألوم وقتٍ بأوله ما غرني=تاليه كالهيب الثقيلة قوايمه
كنه حلال القوم عاقت ولدها=لا خلّته يمشي ولاهيب رايمه
قشرى بطن للغير حلو ٍ حليبها=عزاه لو امسك خطام الظايمه
و أنا ادري إن تحت السواهي دواهي=تالي زمنّا عايذٍ من و خايمه
و الوقت وقت البوم و التبع و المره=و نفسي عن الهزلات و الهون شايمه
دمتم بود
التعديل الأخير تم بواسطة : عبدالله بن دريب بتاريخ 10-11-2007 الساعة 04:45 PM.
|