السلام عليكم ورحمة الله
اليوم جبت لكم قصة حقيقيه وواقعيه
صايره في مجتمعنا العربي والإسلامي
أخليكم مع القصه
تزوج وفي أول أيام الزواج (الدخله) اكتشف إنها ليست بعذراء فإنصدم بعروسه
وهي تبكي وتترجاه وهي تترجاه وتترجى رب العالمين أن يقبل توبتها
اللي تابتها من قبل ما يخطبها
وجلست تبوس رجوله بس يرحمها ويستر عليها
وحلفت له انها تابت لله مو من اجل الناس
بل من أجل رب العالمين
وإن حالتها الصحيه كانت متدهوره وما حست بالفرج يوم تمسكت بدينها
من شد بكاها وترجيها له
فقال لها: انا بتركك معي 7 اشهر
بعدها نسوي مشكله واطلقك عشانها
يعني توماتيك راح اسوي مشكله صغيره بالبيت ونكبرها لين توصل للطلاق وانتهى الوضع ..
وأن شاء الله بكذا سترتك بس ماني بلامسك ولا تلمسيني نجلس مثل الأصدقاء
هذا الحل الأخير بعد كل المحاولات منها
المهم وهو ما يعاشرها أبد ..
يطلعون مطاعم والسوق وسافرو مع بعض بس كأنها واحد من اصدقائه
بعد مرور 7 اشهر ،،
جاء وقت الطلاق وهي مجهزه نفسها ودموع الفراق تحفر خديها
خلاص بتطلع من البيت ومنتظره 3 كلمات (طالق طالق طالق)
قال: ما بطلقك اللحين بالاول نروح مشوار بسيط
وأول ما نوصل بيت اهلك بطلقك قبل ما تنزلي من السياره
طلعو من البيت وشنطتها وكل اغراضها معها ..
وراح وقف عند مشغل للكوفيرا
قالت: ايش هذا ...؟!
قال: أبغاك تدخلين تتزينيين مثل ما أخذتك وأبغى ارجعك مثل ما اخذتك
قالت: ما يصير كيف أزين نفسي أكيد اهلي بيشكون
وكيف اتطلق وارجع البيت مثل ما جيتك متزينة وكاشخة
قال: هذا شرٌطي وإلا بقولهم عن السبب الأساسي لطلاقك
إهي خافت كثير وما كان منها إلا تسوي اللي طلبهمنها
دخلت وزينت نفسها وطلعت السياره وكأنها عروس مثل أول يوم لزواجها
اول ما ركبت السيارة طلب منها إنها تفتح درج السياره
فتحته إلا فيه تذكرتين وطقم ذهب
قال لها : زوجتي العزيزه .. مرت 7 أشهر ما رأيتك فيها إلا:
1- محافضة على فروضك كامله وبوقتها .
2- مقومتني لكل الصلاوات بالمسجد .
3- مهتمه ببيتك وبنفسك ومهتمه فيني .
4- كل قنواتك اسلاميه .
5- بآره بوالديها وبوالديك .
رآيت فيك صفات المرآءه المسلمة
انتي اذنبتي وتبتي ..
فقبل الله توبتك فما بالك بعبد من عبيد الله لا يقبل بك
قال: أنتي زوجتي غاليتي نظرتي لك تغيرت
من بعد اليوم نظرتي لك نظرة الزوج لزوجته بكامل صفاتها وثقتها
وسافرو لماليزيا وكأنه أول يوم من أيام زواجهما
مآ رأيكم بحكمة ورجاحة عقل هذا الرجل ؟
ما شاء الله عليهم الله لا يضرهم
والله يحفظ بناتنا وبنات المسلمين من كل شي ومن كل ظالم يارب
أتمنى ان القصــــــــــه نالت اعجابكم
والله إنه رجل بمعنى الكلمة
لانه كما في الحديث -فيما معناه- ((من ستر مسلم في الدنيا ستر الله عليه في الاخره))
ســؤال / هـل يوجـد رجال كـذا فـي هـذي الأيام ؟
ســؤال / هـل يوجـد مرأه تستحـق الثقــه أم إنهــم تعودوا علـى هـذا الحال
قصه عجبتني وحبيت أنقلها لكــم