خليني اطفال الحجاره .. واخر .. ارهاب العراق=فدوه لعينك .. والعواذل خيّب الله سدها
والزحمه اللي ماتسبب .. لي .. متاهه .. واختناق=مالد بالي يمها والشايفه مالدها
لعبة مطافيق الحواري مالها عندي سياق=والناقصه في دنيتي مهما حصل ماعدها
وانتي تعالي .. واسكني .. داخل .. خفوقي بانطلاق=واللي على خبرك (مواثيق الغلا) ماهدها
الغيد في خارج نطاقي وانتي اللي فالنطاق=والنفس في غيرك حشي يابنت محد(ن) .. شدها
يايوسفيه في جمالك فاق حسنك .. فاق .. فاق=على بنات آدم وحواء ماتواجه ندها
مسلوبة العاتق نحرها .. كنّه .. الصبح انفلاق=ممسوحة السرجوف .. ناحل .. خصرها .. ماضدها
ماهي معاقه وان مشت تمشي مثل مشي المعاق=لادبرت .. موج البحر .. كنّه يباري قدها
طرقا .. ليان(ن) .. عودها .. طارف ملامسها رّْقاق=وكن البروق اللي تكاشف في جوانب خدها
ريمية(ن) .. ماتلتفت لأّْهل التلفق والنفاق=هي حدي اللي ماتعداها .. وانا اللي .. حدها
أخفي غلاها عن حسود(ن) .. لاسمع طرياي ضاق=يموت ماحقق مُناه ورغبتي .. ماردها
لعيونها طفل الحجاره .. صرت .. وارهاب العراق=وبعض الوشاه .. اللي تحاول خيّب الله سدها