ليه اطلب الما من اللي خابـره ضامـي ....ليه اقبل الظلم وارضى خافقـي يضهـد
بعض الرجاجيل ماله موقف(ن) سامـي ....حبل(ن) وما يرتكز .. حتى ولـو يسنـد
قولـوا لمنهـو تمنـى يكسـر عظامـي ....ماهـو كفـو وامنياتـه م السمـا ابعـد
الطيب نبـع(ن) شربتـه بـأول ايامـي.... شبري طويل(ن) وقولـي تثبتـه ذا اليـد
شيخ ابن شيخ وخوالي حسبـة اعمامـي....تنبيه رووس العرب .. كانه بغا يجحـد
علـى النقـا والمـروه خطـوة اقدامـي....ياجعلها الكسـر رجلـي لا نـوت تقعـد
ايه افتخر لأعتزيت وقلت : انـا يامـي ....ويحـق للـي مكانـي يفتـخـر وازود
رجال يام ان تعازوا .. نـاض قدامـي....برق(ن) تلالا وصوت(ن) ف السما يرعد
هم درعي اللي يصد الرمـح وحزامـي....هم فزعة اللي مـن ايامـه غـدا منحـد
هم طب جرحي .. ملاذي .. سلوة الامي....يكفيني منهم في ضيقي( ياصبي اشتـد )
نسيت اشكرك اخووي محمد ع الموضوع .......
والله يوفقه فيصل .