[العلم الوكاد]

	الا ياقاطع انفاسي ... على حبل الرجا والياس صحيح انها ثواني .. بس .. يا مكبر ماسيها تعال وجرب .. المرقا على قمة جبل لاحساس جبالن شاهقه بالحيل .. تتعب عقل راقيها تعال وجرب .. الشفقه تحكمك من عيون الناس تحس الذل يجتاحك .. ويخجلك النظر فيها تعال وجرب .. تمدك مشاوير الهوى بفلاس بعد قزرت عمرك .. بين مزعلها ومرضيها تعال وجرب ..الوحده الى من ضمك المجلاس معى ناسن تسولف .. وانت ما تسمع حكاويها تعال وجرب .. اسواط العذاب ان هفهف النسناس معى مشراف رجمن .. يلجم البسمة بماضيها تعال وجرب .. دموعك قلم وخدودك القرطاس توضح للعرب قصة عذابك وانت تخفيها تعال وجرب .. الساعة توقف والخوي وسواس كأنه وقف الدورة على دقة ثوانيها تعال وجرب .. كتوفك تعجز تشل منك الراس تحدك .. عن طريق الموت خطوه وانت تمشيها تعال وجرب .. احساس المرارة يا عريب الساس تذلك ناس .. ما تسوى معاني حقد تبديها تعال وجرب.. العثرة بدربك من هلك حراس يحكمك هم تسعدها رجاك ..وهم تجفيها تعال وجرب .. احلامك تزعزع باول المرواس مراكب عشق تتحطم قبل تاصل موانيها تعال وجرب .. بعرضك تضاحك السن البلاس تحس عيونهم تخفي ماسي قصتك فيها تعال وجرب .. عيونك يجافيها الكرى ونعاس بخندس ليلتن ظلما .. كثير الخلق غافيها تعال وجرب.. بصدرك لواهب كتمة الانفاس تضيع هجوس قلبك بين طايعها وعاصيها تعال وجرب ..الهقوة تباعد وانت راعي باس تباعد مره..ومره تقرب لك حراويها تعال وجرب .. سنينك توالي دقة الاجراس تحطك في رفوف الوقت قصه مل قاريها تعال وجرب.. وجرب ماسي معك ما تنقاس اعجز اني اعددها من اولها لتاليها