تعبت اصبر ومل من التعـب صبـري
وتعبـت اكتـم علـى مابينـه وبينـي
ثقيل الهم في صـدري نَهَـك ظهـري
عسـى ربـي علـى مابـي يقوينـي
ورق خدي عليه مـن الجفـن حبـري
معاناتـي .. وآهاتـي .. ومافيـنـي
يتوه القلب ودوم احتـار فـي أمـري
ولا درب ٍ لـه احسـاسـي يوديـنـي
بقى اخلاصي .. مع همي .. مع سهري
وراح اللـي علـى عهـدي مبقيـنـي
رجايه ضاع .. وضيّع بالامل عمـري
ولا بـه مـن علـى مابـي يواسينـي
*************************
ليت العيون اللي سهرت لك ما بكت
ليت الفؤاد اللي صفا لك ما صفـا
ليت المشاعر بوحها لك قد سكـت
ليت النزيف اللي بقى بي له شفـا
ليت الليالي مع خبرها ما اوشكـت
ليت الليالي ما ارسلت لي بالجفـا
ليت المناكب للحموله مـا ارتكـت
ليت الذي صار بهواهـا قـد كفـا
ليت المشاعر بالمحبه مـا انهكـت
ليت المشاعر قد لقـت منّـك وفـا
**************************
ان غلطتي قلت غالي والغلا طبعه سماح
ماقدرت الا اني اصفح واستجيب امر الغلا
امتلا قلبي بجروحه كنّها طعن الرماح
مابقى للجرح منزل لكن بزود امتلا
ثم قريت الصبح عذرك عمت خير ٍ بالصباح
والمسا ان بان نورك يا هلا والله هلا
احبس الدمعات تنهل .. ابتسم رغم الجـِراح
الغلا ان بان يذبح .. والغلا بنفسه بلا
لـــــ عبداللــه ال مجحود