[مسعطر]

قصيدة أعجبتني و قلت أنقلها لكم إن شاء الله تعجبكم..
لعبدالمحسن ابن بيشان الرزقي العجمي..

خاويت أنا شمّر و شمّر قبيلة=أحبّها من بين كل القبايل
أحبّها حبّ العميل لعميله=محبةٍ تشعم بروس الفتايل
كبار الصحون أهل السيوف الصقيلة=لبّاسة عقال على الراس مايل
كم واحدٍ هدوا السناعيس حيله=و العايل يروونه نجوم القوايل
فيهم طنايا و الطنايا فصيلة=ما عندهم يا كود ضرب الصمايل
ما كل من يبرك لحملٍ يشيله=و بيتٍ بليا ساس للهدم آيل
سلام مني عدّ وبل المخيلة=و عدّ الثرا و عداد ما سال سايل
تحيةٍ فيها المعاني جزيلة=معربة مثل المهار الأصايل
من شاعرٍ يقدح براس الفتيلة=يعشق هل الطالات و أهل الجمايل
( عجمي ليا غنّا براس الطويلة=تاتيه عسرات القوافي تمايل )
و يسوقها العجمي على ظهور خيله=لسمى و أجا و سنجار و جبال حايل
ولأهل المدن و اللي نزل بالمسيلة=لشيوخ شمر و لكبار الحمايل
أجزل بيوت الشعر فيكم قليلة=لو بآتفلسف فيكم الهرج طايل
( و الهرج يكفي عن كثيره دليله )=و لو قالها قبلي من الناس قايل)
و المدح في من يستحق فضيلة=و أنا على ما أقول عندي دلايل
ما دام ابن بيشان يرسل إيميله=أستقبلوا منّي ظروف الرسايل
و ربعي بمثلهم بأية وسيلة=ربعي لهم وقفات و ألهم فعايل
عجمان لا ركبوا بظهر الأصيلة=تاريخهم في ماضي الوقت هايل
أحب أنا الجزلة و أكب الهزيلة=و أحب خوّة وافين الخصايل
يقولها اللي قبل يعلن رحيله=يفضل موادعكم ببدع المثايل
و من كيّل الميزان يوفيه كيله=و يستاهل الناموس راعي الأوايل
كم فرقت الأيام خلّ و خليله=و الختم در معبسات الشمايل
قصيدة تهدا لأغلى قبيلة=من غير نقص في جميع القبايل

و دمتم بود..