هلا مرحبا ترحيب يالشاعر المشهـور =عدد مايهل الوبل من غـر الامزااانـى
تاغنيت مع مطلق واغنيت مع مستور =ولك فى بحور العرف خبره وفنااانـى
يدوم البقابالشاعراللي مضـا لـه دور = وانا لابغيت اصد مـن بـدر مامدانـي
ترا العد تالي الوقت ماتروي العصفور = وحسبي على اللي مر بالما ولا اسقاني
ابا قول لك تسلم وباقول لك مشكـور = وبا قول لك لاهنت يالذيب سرحااانـى
مادام البلد به حازبى ماعليـه قصـور =عسى الله يعز سعيد ويعـز خولانـى
تقوله واقوله يابدر والسنيـن تـدور =وعلومك على وضح النقا ذكرها بانـي
على ذكر خولان ابن عامر حكيم الشور = ياليتـه يشرفنـا هنـا ياكحيـلانـي
انا ياسعيد صاحب النشمـى المنعـور = وكل النشاما ساسها سـاس قحطانـى
ابن عامر اليا حل فالمنـزل المعمـور = وله منزلٍ ياسعيد فى وسط الاعياانـى
انا لاذكرت افعالكم في صحف وصطور = يجف القلم وانتـو للجـواد عنوانـي
وانا ويش اسوي لانحنا بيتي المكسور = وانا خيف(ن)من شرهة افلان وافلاني
على شانكم ياسعيد خشيت سبع ابحور = وانا ماهوانى غير ذربيـن الايماانـى
ياليت الفقير يرافق التاجـر الهامـور = يقولون له فالسـوق دنـا ودكااانـى
انا افز يوم اوحيك طنخه بدون شعور = وانا ابوي في خوة هل الطيب وصاني
لقينا ورا رجم الندامه يابـدر سبـور = وانا حجتي من غير شاهـد وبرهانـي
انا عارفك ترسى كما يرسـى البابـور = وذى من عوايدنـا وجـدك وجدانـى
اخير الك ياسعيد تدور بنـات الحـور = وفنجـال بريـه مـن دلال رسلانـى
انا اقول بدر العجمي الشاعر الدكتـور = ظميت لكلامه وارتوي منه واظمانـي
ترا الحجه اللي وثقوهـا بشاهـد زور = على غير معنى عمت القاصي الدانـي