العذر على التأخير
اللي إلى واعد فلا لموعده حد=ولايسبق غيبته باعتذاره
لاتشفق إلى راح ولا إلى رد=خله بدربه واعتزل عن مساره
ولاعاد تنشد عن غيابه إلى صد=ولاتجهز في مجيه بشاره
لاصار ماهو فالوازم بينعد=لاتفتخر في قرب دارك لداره
ولايوخذ بسده ولاينعطى سد=واخير من جحد الكسور الجباره
ودك بشغمومً إلى واعد اعتد=ماغيرت كثر الروابع قراره
يوعد على قدً وياتي على القد=تسوقه لفعل المراجل سطاره
قال المثل قول صحيحً موكد=اصبر ومعرفة النشاما تجاره
المزح للمزاح والجد للجد=ورفع العتب لاصار مابه صقاره
ولا الضعيف معه لاتكرب اليد=عيب مناجاته وعيب احتقاره
سلامتكم