الخلاف موجود بين العوازم والعتبان لكن المفروض ان العجمان يسوون تحالف مع العوازم في
مناطق معينه والعوازم كذلك مع العجمان في مناطق معينه لان لو يتحالفون القبيلتين هذي والله
ماينحطهم ناطح وهذا هو المفروض اللي لا زم يصير من زمان وانا متأكد ان العوازم ماعندهم
مانع لانهم كانوا يبون اصوات ام الهيمان وجابر العلي من العجمان ويعطون العجمان اصوات
هديه والرقه لان العوازم تقريبا 800 صوت في الرقه وهديه لكن العجمان رفضوا لانهم واثقين
بفوزهم في الرقه وهديه!!!!!!!!!!وصارت النكسه لان بصراحه ربعنا طماعين يبون ام الهيمان
وجابر العلي اللي هي منطقة نفوذ العوازم والعواز م زعلوا من حركة العجمان والتجمع اللي
صار في جابر العلي وام الهيمان حنا ماعاد قمنا انشوف ذا القبايل شي وهذا اكبر غلط ياجماعه
لازم كبار العجمان يقعدون مع العوازم لان العوازم والعجمان قوه ضاربه من الدرجه الاولى بس
المشكله عندنا العجمان يبون كل شي كأن كل شي مخلوق لنا ياجماعه حنا لازم انهدي اللعب شوي
والمناطق اللي مالنا فيها شي ندعم فيها القبيله اللي انشوف مصلحتنا معها حتى مانطيح في
نكسات ثانيه لان نكسة الرقه وهديه بصراحه مثل الرمح في كبودنا وياكثر من تشمت علينا
ويضحكون علينا ويقول ذا الايراني والمطيري خذوها غصب عنكم حتى ان عكاش ابو العضو
عبدالله يقول على لسانه وعمي يعرفه عز المعرفه يقول ياعجمان عودوا لنجران جموع مطير
من ينطحها!!! يعني ان يضحك مع عمي وهو متعمدها ورد عليه عمي رد قاسي قال العجمان
ويام هم هل الجموع يابو عبدالله والحصان له كبوه وانت ادرى بوقعنا يوم كذا وكذا وعمي
يضحك وهو متعمد يلمز المطيري فيها .
اتمنى ان كلامي مايزعل احد لكن انا اقول كلمة حق واحترم اي راي ضد رأيي او مع رأيي