الوضع السيء وسوء الاحوال والتدهور الاقتصادي كان على كل العاالم وليس الوطن العربي لكن ما جعل الوطن العربي بهذه الحال هو ان شعبه مستهلك بالدرجه الاولى وليست منتج
لنحكي بالعاميه ما فينا نحط الحق كلو على الحكم وعلى الرئيس وانا كوني مواطنة سورية وافتخر جدا باني سورية تحت نظام مسلم ورئيس بيرفع الراس وبيشرفني طبعا سيادة الرئيس بشار الاسد
انا بحترمه بشكل كتير كبير وبحب اراؤو وتواصلو مع الشعب لاحظو انه مو متل باقي الرؤساء يلي كل قرن ليتزكرو يخاطبو شعبهم مرة
بيكفي سامحلنا بالصلاه بالجامعات وموفرلنا الامور الدينية وما بيمنع اي مذهب او دين من ممارسة طقوسه بظن السورييين بيعرفو هالشي بوجود المساجد و الكنائس ولم يمنع اي منها وماحدى بيحس بالفروق وهاد دليل التآخي الديني الموجود بسوريا بدون نزعات طائفيه وهاد بيرجع لفضل سياسة الاسد ونظامه
وهذا دليل الديمقراطية
مافينا ننكر الامن يلي عايشين فيه بيكفي فيها البنت تطلع باي وقت وهيه مو خايفه وهالشي مو متوفر باي دوله حتى بامريكا
حتى التعليم صار متاح للجميع وما بظن في حدى بسوريا عم ينام جوعان او بالشارع صح الوضع مو ممتاز بس جيد المشكله الوحيدة هي المشكله الماديه للشعب وهي عم تنحل بتحديث المنهاج وتحويل الدراسة من النظري للعملي حتى يقدر الشعب على الانتاج بدل الاستهلاك والاستيراد من الخارج بالمختصر المال السوي عم يروح للصين وتركيا والدول يلي عم نسترود منها
و الثورة المخطط القيام بها ما هي الا بتحريض من الدول الاجنبية الرافضة لمواقف الرئيس بشار الاسد ورفضه للصهيونية (بظن الشعب السوري اوعى من ان يفتح مجال لليد الامريكية بالتدخل في بلاده ) فكلنا نعلم ان الامريكان بانتظار اي شيء في النظام السوري لييدخلو البلاد بحجة الانقاذ واكبر مثال ما حصل بالعراق خلينا عم ننام وسقف البيت فوق راسنا احسن ما ننام بالملاجء
يمكن تقولو هي ثورة مصر وتونس وغيرها وما تدخلت امريكا بس ما تنسو انو اغلب الرؤساء مسايرين امريكا مشان مصالحهم يعني من مصلحتها يضلو مو زاعجينهم بشي عكس سياستنا المعارضة للتحيز لامريكي ولاسرائيل
عنجد عايشين بالف نعمة وخير ماتنسو الحسنات كلها مشان المال في مليون شغلة تخلينا نتحمل سوء الوضع المادي وماحدى ضامن يجي حكم افضل من الحكم الحالي وطبعا (الحكم جديد = شخص جيوبو فاضية وبدو يعبيها يعني حال مادي اسوء من هلء
وبدعو كل شخص مع كلامي ومتاكده انو نسبه 99 بالميه من الشعب السوري مع كلامي اذا صار مظاهرة ضد الحكم ان يتظاهرو مع الحكم ووانا رح كون اول المؤيدين للرئيس بشار
وبتمنى كل شخص عايش خارج سوريا ما يتكلم عن الرئيس الاسد وعن المذاهب لان كل شخص يذكر هذا الموضوع انسان يدعو للحرب الاهليه والنزعات الطائفيه ويريد خلق تفرقة ضمن شعب متفاهم