عرض مشاركة واحدة
  #5  
قديم 08-11-2011, 04:55 AM
الصورة الرمزية هقـآؤي
هقـآؤي هقـآؤي غير متصل
 
تاريخ التسجيل: Oct 2011
الدولة: بين آلحنـآيآ آلعـوج
المشاركات: 225
معدل تقييم المستوى: 13
هقـآؤي is on a distinguished road
رد: مسآحتي آلخـآصٍـه }~

الطيـش عـذرك ! والمقاديـر عـذري
والفـرق واضـح واقطـع القـال والقيـل


ما ضاقـت الدنيـا ولـو ضـاق صـدري
كذا !! مـدام الضيـق اصبـح تساهيـل ؟

صابـر عليـك ولا نفـع فيـك صـبـري
يعني عن اذنك ما بقى فالصبـر حيـل

صديـت والصـده تعلـمـك قــدري
البُعد يكشـف ويـش قـدر الرياجيـل !!

بسري لا تسألني علـى ويـن ؟ بسـري
دام السهـر لجفـون عيـنـي مداهـيـل

لا تقـول سامحنـي ولا تقـول بــدري
بدري مـن اعمـار الخبـول المهابيـل

الليل يغـري ! وانـت طعنتـك تغـري !
والقاف وش يبغى سوى ( طعنه و ليل ) !!


بآجـر صوتـي وانـطـرب دام فـكـري
زعلان من جيلين راضي على جيـل ؟؟

وقصيـدي اللـي كبّـره صغـر عمـري
يسوقنـي للمـجـد ســوق الفناجـيـل

يطري علـيّ لا ضقـت ولا انـت تطـري
كل ما طرالي الدمع ! واخـذ التفاصيـل :

الدمع : ماهو ( مـا ) أهلـه ويجـري ؟!
الشاعـر دموعـه قصيـد ومـواويـل !!

بكيـت لـك ( بيتيـن ) وابيـك تــدري
ان الشعـر منهـا غـدى دمعـه يسـيـل

ما عرّف اوراقـي علـى طيـش حبـري
الا : رداة الحـظ و العـشـق والـويـل

ولا ضيّق الدنيا وسط ( عين شعـري ) ؟؟
الا غـدر نسـل الرجـال المشاكـيـل !!

رد مع اقتباس