[غزلاااان]

( الله اللـي راد والعقـده قضاهـا الـلـي عقـدهـا= ما على الدنيا السلام ولا لباقـي العمـر زينـه)
لـذة الفرحـه عقـب فرقـاك أنــا قلـبـي فقـدهـا= أنهـدم قلبـي وتحـطـم عـقـب غيـبـة ساكنيـنـه
عن الفرح هالقلب صدّر وجمّة الضيقه وردها= ودمع من عيني تحـدّر والسعـد وينـي ووينـه
وين أنا ووين الهنا ووين السعاده من وجدها= كيف يسعد من همومه داخل ضلوعـه سجينـه
والمهـاة اللـي جفيـت الكـون كلـه مـن بعـدهـا= مـدت الفرقـى لمغليـهـا وهــي بهـجـة سنيـنـه
وينهـا ليـه تركتـنـي كـيـف أنــا بحـيـا بعـدهـا= كيـف هـذا القلـب ينبـض جفـت دمـاه بوتينـه
ليـه غبتـي ياحيـاة الــروح يالعـيـن وسعـدهـا= لـيـه قلـبـي ياحيـاتـي فــي يديـنـك تكسـريـنـه
بسمتـي مـن يـوم غبتـي والله إنــي مفتقـدهـا= وصـارت أيامـي ظـلام وكـل ثوانيـهـا حزيـنـه
صــرت كـنـي أم ثكـلـى فـاقـده أغـلـى ولـدهـا= مالهـا غيـره وتصـرخ يابـشـر هـاتـوه ويـنـه
أو مثـل طفـل ٍ صغيـر وشـاف بالدنيـا نكـدهـا= فـي ضحـى عيـد رمضـان بوالـديـه معزييـنـه
كانـت أمــه قـبـل ليـلـه نَقْـشَـت الحـنـا بيـدهـا= وأصبحت في وسط قبر ٍ هـو موسدهـا بيدينـه
كـل خلـق الله تعايـد ولْبـسَـت زاهــي جـددهـا= وهـو معيّـد بالمقابـر خـارج أســوار المديـنـه
مثل حالي يوم غبتي حالـي اللـي مـن شهدهـا= قـــال يالله تـلـطـف بـحـالـه ويـاربــي تعـيـنـه
من يلومه عاشقك لـو فارقـت روحـه جسدهـا= مــو بعـيـده تلمحيـنـه فــوق نعـشـه شايليـنـه
فكـري قبـل الفـوات وقبـل تحجـب فـي لحدهـا= جثـة المجنـون فـي حبـك ويطفـي نـور عينـه
وقتـهـا ماللـنـدم قيـمـه وروحــي قــد هجـدهـا= هـادم اللـذه و(مشعـل) غطـت التـربـه جبيـنـه