القصيدة للشاعر / عبلان المصراني قالها بعد معركة جودة
في مايقارب عام سنه 1287هـ 1870م..
يالله يا مـدرج الافـلاك فـي ساعـه
رب كريـم جزيـل المـد نثنـي لـه
يوم على جال جـوده ترهـق افناعـه
يوم عبوس غشـى الصفـرا مخاييلـه
جمع العوارض نطحنا كـن تهزاعـه
سيل تحـدر علـى جـاري مساييلـه
بارودهم في الخضيرا كـن تنيزاعـه
برقه يرفرف حقـوق وان درج سيلـه
دفنا لهم من كثيـر المـوت واقناعـه
ماغير قـو العزيمـه والظفـر حيلـه
تسـع ميـه عسوجـي طايـل باعـه
كن الخشيع الخشـب جثـا رجاجيلـه
وسيوفنا في جمـاه الـروس قضاعـه
كم جوهـر دمـر وجهـا لنـا خيلـه
وقديمي في الشواكل عـاش صناعـه
ماعاد تجلـى الحـلا منـه صقاقيلـه
ابو هلا شـوق مـن خوتـم صباعـه
يزرع ضمير الحشـا لجـة خلاخيلـه
ياشبـه عنـز المهـا ماهيـب دناعـه
تزهى من المشخص الغالـي مثاقيلـه
ارخى الشنق واهمل اليسرى بمصراعه
لين استداب المطوع وادبـرت خيلـه
خلي المبيرق يـدق الحـزم بكراعـه
والراس فاخت حساب يديـه ورجيلـه
وطالبك صفرا مـن الزلبـات تواعـه
كن زيلها العسـو لاهـزت شماشيلـه
تلحـق بعـود قديـم بانـت اوقاعـه
لا من خطو الـردى ماوطـن الزيلـه
ــــــــــــــــــــــــ
عد الرياحيه.. والعد هو بئر الماء.. والرياحيه : هي منطقة (الراكه) الواقعة
بين مدينة الدمام والخبر على الطريق المسمى(بالساحلي), وقصة الوقعة
التي اطلق عليها (وقعة الرياحيه) معروف للجميع ولااجد داعي لذكرها انما
اردت توثيق هجينية الشاعر/ عبلان المصراني العجمي التي قالها بعد الانتصار
في هذه المعركه.
يوم(ن) علـى شافـي بعـد الرياحيـهيصبح به العود غمر(ن) مطرب(ن) سالي
مطوع (ن) قـاري(ن) ويحـرك السيـهويحدنـا للمظامـي واشهـب الـلالـي
غـدا لنـا مثـل ..ديـان المعسـريـهلاحد ..باع الجلايـب وارخـص الغالـي
سرنـا عليهـم بسقـم الحرب(ياميـه)لاعـاد نسمـع ولا بنطـيـع عـذالـي
سرنـا عليهـم بصبـيـان العواجـيـهجمع (ن) رزيـن ومنـه الـدم شلالـي
هل سربة(ن) تخلف العشاق مـن غيـهتقـدع شبـا الاولـه وتنجـي التـالـي
ميـه وتسعيـن فـي وجـه العكيليـهواللي ومرنـا عليهـم قـادر(ن) والـي
كن الجنايز خشب بيـر(ن) نسـع طيـهيوخذ من الجم ويحذف به على الجالـي
والذبح جاء فـي المخاطيـب الهلاليـهفرسان دهـم السرايـا عيـد هشالـي
امـن الاساريـر دار الحيـل قفـريـهمعـاد فيهـا مـن آل الجـد ..نزالـي
عفيـت وطرشانهـا تمسـي خـلاويـهوالذيب منهـا لمدهـال الغضـا حالـي
تروي شبا الهنـد وسيـوف(ن) يمانيـهماعـاد يجلـي حلاهـا كـل صقـالـي
هـذا بـدل قولتـه (فرقـان شاويـه)حنا المرازيق نقصر شبـر مـن طالـي
وحـاذور بنـت المفافـي ياالهـواويـهياتـي ولدهـا نهـار الضيـق فشالـي
عليك ببنت الشجاع اللـي علـى خيـهياتـي ولدهـا عريـب الجـد والخالـي
ينمى من الروح وفي راسـه صعوبيـهويطلق يمينـه علـى البـارود عيالـي
واشـروا الاصايـل وتركـوا الشماليـهمن كان له حيلـة(ن) فيهـا فيحتالـي
وقم ياسعد وارتحل مـن فـوق عمليـهمامونة(ن) ماشكت مـن شـد جمالـي
طويلـة الـورك وبالغـارب سهـاويـهلاطول اليوم تعطي الغـي مـن سالـي
صبح اربع (ن) داخل (ن) في دار عليـهابشـر الياجيـت تلقـى كـل الاشكالـي
اول قراهـم شحـم حيـل(ن) وبـريـهومن اشقر البن كيـف الـراس فنجالـي
هـو المعـزب وحنـا لــه فـداويـهدولة نظـام(ن) بليـا كسـر الاموالـي
ماحن نبـا غيـر عـز الـراس ماليـهويازين لبس الجديد ورمـي الاسمالـي