[يوسف عبدالله يوسف]

يا غربة يا سارقة عمرنا

يا غربة يا مفرقة الأحباب

يا غربة يا كاسرة قلبنا

خلتينا نعيش فى عذاب

سافرنا وودعنا بدموعنا كل أحبابنا

والقلب كان بيتقطع على ذكريتنا

وفتحنا الباب ومشينا وسبنا روحنا

بين أهلنا وأخواتنا وجرانا وأصحابنا

والذكريات الطيبة عمالة تمر فى خيالنا

والقلوب متألمة على أم سبتها بأحزانها

تفتكر حاجات حلوة عمرك ما فكرت فيها

تفتكرها وتبكى لأنك دلوقتى حسيت بيها

شريط حياتك بينتهى ودمع قلبك بيبتدى

وتروح هناك وتبقى خايف على اللى سبتهم

وتقول هشوفهم تانى ولا هموت محروم منهم

هيا غربة والمكتوب هتشوفوا فى قربهم أو بعدهم

كلمات الشاعر يوسف عبدالله