يا هلا باللي نظم حلو القصيد = يا هلا باللي دعاني واسمعه
يا هلا بك صادق ٍ والله شهيد = ماهو تزييف ٍ ولا لبس اقنعه
يا غلا من بين شريان ووريد = موطنه جوفي وقلبي منبعه
شوقك اللي شاقني وانتي بعيد = ساقني لبحرك ومن دون اشرعه
المحبه والغلا دايم تزيد = تجتمع بالقلب وعقبه تنزعه
المشاعر والله لو مثل الحديد = من اجل طيفك تذوب وتتبعه
لملمي شتاتي عشان ارجع جديد = كم عجزت اجمع شتاتي واجمعه
لملميني دامني تايه وحيد = لملميني حب وانتي مصنعه