اعضاء ومشرفين وزوار مجالس العجمان الرسمي
السلام عليكم ورحمة الله وبركاته
انقل لكم هذه القصيده كما سمعتها وهي للشاعر محمد بن ابراهيم الجهني موجهه للشاعر محمد بن الذيب
توكل على الله وفك العوج=تموت الرجال ولاتنكس بيارقها
ولو ان الحزن ضيق مساء الخاطر المبهوج=لنا بالشعر وقفه ولازم نحققها
عليك السلام اللي من الصدر يرسل فوج=من الطيب والتقدير والعزه اطلقها
بنيت الك من حب العرب بالقصيد بروج=تعلت على ابراج العماير وشاهقها
وركبت المراجل يامحمد بدون سروج=وعنيتها حتى خذت منك موثقها
من البحر تاخذ لوله ولاخذاك الموج=طويل الذراع اللي على الطيب مرهقها
سمعنا الهروج ولاحن بتابعين هروج=نعرف الرجال اللي ينومس مرافقها
اذا الشعر مايصل المشاعر وش المنتوج=سحابه تعدا مير ماشفت بارقها
وشعرٍ ماهو يحمل رساله على ايش يروج=قصايد قبل لاتشوفها قوم شققها
يابو راشد الانسان بين الرياح الهوج=تصافقه صلفات الهبايب ويصفقها
انا البارحه ماكن بالارض لي فجوج=اقدم خطا رجلي على الدرب وافهقها
لو ان راعي التكسي لقاني قبل مادوج=سألته كذا وشلون الايام نسبقها
يانفسي من الضيقه غدا خاطري مرجوج=جروح الزمن من كثرها صرت عاشقها
لو اني ماعرفك اعرف ان الوفا ممزوج=مابين العباد وحكمه الله خالقها