52ee.rm" type="audio/x-pn-realaudio-plugin" CONSOLE="http://www.alnadawi.com/poems/sound/1881_30304547348
52ee.rm" CONTROLS="ControlPanel,StatusBar" HEIGHT="60" WIDTH="300" AUTOSTART="false" AllowScriptAccess="never" nojava="true">للإستماع قم بالتشغيل
بعد المحبه , علامك مانت طايقنـي ؟
وانا على خبرك أشواقي هي أشواقي
اسلوبـك اليـوم يقتلنـي ويحرقنـي
سؤال ؟ ابسألك وين اسلوبك الراقي !
حتى كلامـك معـي بلحيـل مقلقنـي
والشك في داخلـي ماعـاد ينطاقـي
ان كان قصدك تقول إرحل وفارقني !
برحل ولكن مصيـر الحـي متلاقـي
وان كان قصدك تغلا وانت عاشقني ؟
ابشـرك ماتغيـر شــي بعمـاقـي
وان كنت تمزح ؟ أمانه معك روقنـي
تراي مكسور خاطر وانكسـر ساقـي
بس بصراحه , من الآخر وصدقنـي
صدمتني واستراحت . هقوة الهاقـي
ياليتك تحـس بحسـاس ٍ مضايقنـي
وياليت تقرى كلام ٍ داخـل احداقـي
حلمك منول ! في هالدنيـا تحققنـي
واليوم في بحر غدرك ناوي اغراقي !
والحظ الاقشر يوم إنه فيـك علقنـي
خلاني دايم علـى شوفتـك مشتاقـي
علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي
كنت احسب إنك اذا جيتـك تعانقنـي
أثريك لا طايق ٍ شوفـي ولا إعناقـي
//
//
//
//
فهد بن صنهات الديحاني