معك السوالف غير ومقابلـك غيـر
الله عطاك مـن السوالـف حلاهـا.........
لك في خفوقي حبّ ثانـي وتقديـر
ومكانةٍ تصعب علـى مـن بغاهـا...........
ولك في عيوني ياعيونـي مشاويـر
ولك من فياض الشيح نسمة هواهـا............
ان جيتني جبت الفـرح والتباشيـر
وان غبت عن عيني يجيهـا بلاهـا.............
غالي بعيني لو بـدا منـك تقصيـر
ماتدري انـك ياحياتـي غلاهـا؟؟..............
غلاك وسط القلب من غيـر تفسيـر
والعين ماغيرك حبيـب(ن) ملاهـا.............
يفزّ قلبي بيـن الاضـلاع ويطيـر
شوفك هنا روحـي وقربـك ماهـا.........
تفداك روحي ماحسبـت المخاسيـر
وتفداك ناس(ن) همّهـا فـي لغاهـا.............
تجني عليّ ان قلت (تصبح على خير)
كلمه واحسّ الـروح تطلـع معاهـا!!...............