أنا ما حداني ياجماعـة علـى المشـراف=وجر الطويلة لأقبـل الليـل مـن بـدري
يكون الهموم اللي خذتني علـى ميـلاف=ولا نقصـت حالـي ولا زودت فـقـري
أغني همومـي كلبوهـا علـى محـراف=ولا أسري يكون أنهيت ماجاش في صدري
اليـن أوجعتنـي كيـة الفاهـم العـراف=وبين وسمها يـوم قفيـت فـي ظهـري
وجت من رفيق مارضينـا عليـه خـلاف=علي الحرام إن "كني أحدى علـى قبـري"
ولا ني بقاصر عـن جزاهـا ولا خـواف=ولا نـي بعاجـز يارفيقـي ولا مــزري
لكـن الجبـل ماضرتـه حذفـة الحـذاف=ولا نزلـت قـدره ولا نـزلـت قــدري
مقامي يشرفني عـن النقـص واللفـلاف=ورى كلمة ما هـوب يشفـي ولا يبـري
لكن أتحاشا في الرفيـق الكـلام الجـاف=ولا ودي يجيه من المحسـات مايجـري
ولا شفت في فنجـال الأدنيـن ماينعـاف=دفقتـه وراي وكننـي غافـل ومــدري
وبدلت فنجالـه بفنجـال كيـف صـاف=وعن جمـرة بيـن المعاليـق بالصفـري
لعلـه يفـرق بيـن الأركـان والطـراف=ويـدرا مـن اللـي لايـذري ولايــذري
توقف سلوم الطيب مع صاحب الميقـاف=طويل الـذراع النافـع الفـازع السفـري
وباب الجميلة يتعـب الساعـي الطـواف=ولاكـل رجـال يشـق الخـلا عـبـري