السلام عليكم ورحمة الله وبركاته
صباح الخير
أقدم لكم رائعه من روائع شاعر الرسول خالد العتيبي أتمنى أن أتنال على إعجابكم ..,,
ويـن أبـبدا مـن هـجـوس الـدرب وإلا مفرقـه=وين اسـنـدها ولي عـامـين اداري عـوقها
والسـهـر مـرّات يــسـرقـني ومـرات اسـرقـه=واسـهـره حـتى يحــس بخـمـرته وإيذوقها
والـقـوافي دمّـك ... إن شـحـيت به والا اهـرقـه=والسـوالف ضـيعة الشاري ليا جـا سـوقها
والبنادم غـصـن لا ولــّع يــباســه بإورقـه=لايـلـوم الا عـيـون ٍ طــــوّل الله عـوقها
والمراجـل ماتـجــي تـبريحـتـــين وادرقـه=والـرجـال اللي تـمـوت ولا تمـوت حقوقها
والله ان ذبـح الرجال اهل البيوت المعرقـه=مـثل ذبحـك يا الحـدا ذل ٍ بســـد حلوقها
والليالـي ذوقـهـا باللـي مـغـيـبه مشرقـه=لا تضـيـّق خـاطــري لابــوك لابـــو ذوقها
وابـك لـو العـين ماهـي من دموعــي مغرقه=بـين شـرس الـزمان اللـي نهــش بعروقها
لو جـحـدت المـلح في عـيني وداريـت ازرقـه=ماجـحـدت انـه يـفـج الناحــله ويسوقها
ذايـق ٍ مــره بحـلـقـي بـين أمـجّـه واشرقـه=واتلعـثـم بالبـيوت اليا ســقى طاروقها
وانت ما تـدري عـن جـفـون الليال المحرقـه=والـزمان اللي سـكـب باقـي سهـْره بموقها
كـل مانـوخ عـلـى كـبـدي وثـــــنّى مطرقـه=طـحـت مدري حـدر الارض ابعـيد والا فوقها
حـالف راس الطـويل اللـي زمــى لي لاطرقـه=وان هـلكـت اسـتلهم الجـرة عساك تشوقها
